കൊല്‍ക്കത്ത: ഓര്‍മയില്‍ എന്നെന്നും നില്‍ക്കുന്ന അതിമനോഹര ഇന്നിങ്‌സ്. ഒറ്റ വാക്കില്‍ അങ്ങനെ പറയാം കൊല്‍ക്കത്ത നൈറ്റ്‌റൈഡേഴ്‌സിനെ രക്ഷിച്ചെടുത്ത ശാര്‍ദുല്‍ ഠാക്കൂറിന്റെ ബാറ്റിങ് മികവിനെ. റോയല്‍ ചലഞ്ചേഴ്‌സ് ബാംഗ്ലൂരിനെതിരായ പോരാട്ടത്തില്‍ വെറും 29 പന്തില്‍ ശാര്‍ദുല്‍ അടിച്ചെടുത്തത് 68 റണ്‍സ്. ടീം 89 റണ്‍സിന് അഞ്ച് വിക്കറ്റ് നഷ്ടപ്പെട്ട് പരുങ്ങുമ്പോഴായിരുന്നു കരിയറിലെ ആദ്യ ഐപിഎല്‍ അര്‍ധ സെഞ്ച്വറിയുമായി അമ്പരപ്പിക്കുന്ന പ്രകടനം താരം പുറത്തെടുത്തത്.
ക്രിക്കറ്റ് ലോകം ഇപ്പോള്‍ ഓള്‍റൗണ്ടറെ പ്രശംസ കൊണ്ടു മൂടുകയാണ്. ഉചിതമായ സമയത്ത് അനിവാര്യമായ ഇന്നിങ്‌സായിരുന്നു ഈഡന്‍ ഗാര്‍ഡന്‍സില്‍ ശാര്‍ദുല്‍ പുറത്തെടുത്തത്.
ഐതിഹാസിക ബാറ്റിങ് എന്നാണ് മുന്‍ താരം ഇര്‍ഫാന്‍ പഠാന്‍ ശാര്‍ദുലിന്റെ ഇന്നിങ്‌സിനെ വിശേഷിപ്പിച്ചത്. അത്രയും അനിവാര്യമായ സമയത്തായിരുന്നു ഈ ഇന്നിങ്‌സ് എന്നും ഇര്‍ഫാന്‍ ചൂണ്ടിക്കാട്ടുന്നു.
'ഏറെ ദുഷ്‌കരമായ സാഹചര്യത്തില്‍ ശാര്‍ദുല്‍ ഠാക്കൂര്‍ പുറത്തെടുത്ത കളി പ്രശംസ അര്‍ഹിക്കുന്നു. കെകെആര്‍ ടീമിന്റെ പകുതിയോളം പേര്‍ ഡഗൗട്ടില്‍ തിരിച്ചെത്തിയപ്പോഴാണ് അദ്ദേഹം ബാറ്റുമായി ക്രീസിലേക്ക് പോയത്. അദ്ദേഹത്തിന്റെ കൗണ്ടര്‍ അറ്റാക്കിങ് ഇന്നിങ്‌സ് നിമഷങ്ങള്‍ക്കൊണ്ടാണ് കളിയുടെ ഗതി തന്നെ മാറ്റിയത്.'
'ആന്ദ്രെ റസ്സല്‍, നിതീഷ് റാണ, മന്‍ദീപ് സിങ് ഇവരില്‍ നിന്നൊക്കെ നിങ്ങള്‍ക്ക് ഇത്തരം ഇന്നിങ്‌സുകള്‍ പ്രതീക്ഷിക്കാം. എന്നാല്‍ ശാര്‍ദുല്‍ അഴിച്ചുവിട്ട തന്റെ രക്ഷസീയ ഭാവം അവിശ്വസനീയമായിരുന്നു. 30 മുതല്‍ 35 റണ്‍സ് വരെയൊക്കെ ശാര്‍ദുലില്‍ നിന്ന് നാം പ്രതീക്ഷിക്കും. എന്നാല്‍ അത്തരം പ്രതീക്ഷകളെ മുഴുവന്‍ ഒറ്റയടിക്ക് റദ്ദാക്കി ഐതിഹാസിക ഇന്നിങ്‌സാണ് അദ്ദേഹം കളിച്ചത്.'
'ഡല്‍ഹി ക്യാപിറ്റല്‍സില്‍ നിന്ന് എന്ത് പ്രതീക്ഷിച്ചാണോ കൊല്‍ക്കത്ത അദ്ദേഹത്തെ ടീമിലെടുത്തത് ആ റോളിനോട് അദ്ദേഹം നീതി പുലര്‍ത്തി. നിര്‍ണായക ഘട്ടത്തില്‍ വിക്കറ്റ് വീഴ്ത്താനും ആറ്, ഏഴ് സ്ഥാനങ്ങളില്‍ ഉപയോ?ഗപ്രദമായ ബാറ്റിങും പ്രതീക്ഷിച്ചാണ് കെകെആര്‍ അദ്ദേഹത്തെ കൊണ്ടു വന്നത്. ടീമിലെടുത്തതിന്റെ തിരഞ്ഞെടുപ്പിനെ അദ്ദേഹം പൂര്‍ണമായി തന്നെ ന്യായീകരിച്ചു'- ഇർഫാൻ പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates