മുംബൈ: ഇന്ത്യന്‍ മുന്‍ പരിശീലകന്‍ പെരുന്നാള്‍ ആഘോഷങ്ങളുടെ ഭാഗമായി ബിരിയാണി നല്‍കി പേസര്‍ മുഹമ്മദ് ഷമി. എന്നാല്‍ മുഹമ്മദ് സിറാജിന്റെ പങ്ക് ഇതുവരെ ലഭിച്ചില്ലെന്ന് ഓര്‍മിപ്പിക്കുകയാണ് രവി ശാസ്ത്രി. 

മുഹമ്മദ് ഷമി നല്‍കിയ ബിരിയാണി കഴിക്കുന്ന ഫോട്ടോ ട്വിറ്ററിലൂടെയാണ് രവി ശാസ്ത്രി പങ്കുവെച്ചത്. ഷമി, ഇതെനിക്ക് ഇഷ്ടപ്പെട്ടു. ബിരിയാണിക്ക് നന്ദി. മുഹമ്മദ് സിറാജ്, നിന്റെ പങ്ക് ഇതുവരെ കിട്ടിയിട്ടില്ല എന്നാണ് രവി ശാസ്ത്രി ട്വിറ്ററില്‍ കുറിച്ചത്. 

മുഹമ്മദ് ഷമിക്കും സിറാജിനും രവി ശാസ്ത്രി ഈദ് ആശംസകള്‍ നേര്‍ന്നിരുന്നു. പെരുന്നാളിന് ഗുജറാത്ത് ടൈറ്റന്‍സിന്റെ മത്സരമായതിനാല്‍ ഷമിക്ക് ഗ്രൗണ്ടിലേക്ക് ഇറങ്ങേണ്ടി വന്നു. മത്സരം ഇല്ലാത്തതിനാല്‍ സിറാജിന് രണ്ട് പ്ലേറ്റ് ബിരിയാണി കഴിക്കാം എന്നാണ് തമാശയായി രവി ശാസ്ത്രി പറഞ്ഞത്.

ഈ വാര്‍ത്ത കൂടി വായിക്കാം

അര്‍ജുന്‍ ടെണ്ടുല്‍ക്കറിന്റെ ഐപിഎല്‍ അരങ്ങേറ്റം; പ്രതികരണവുമായി മഹേല ജയവര്‍ധനെ

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ