ബംഗളൂരു: ദക്ഷിണാഫ്രിക്കന്‍ വനിതാ ടീമിനെതിരായ ഏകദിന പരമ്പര തൂത്തുവാരാന്‍ ഇന്ത്യന്‍ വനിതകള്‍ക്ക് വേണ്ടത് 216 റണ്‍സ്. ആദ്യ രണ്ട് മത്സരങ്ങളും വിജയിച്ച് ഇന്ത്യ പരമ്പരയില്‍ 2-0ത്തിനു മുന്നിലാണ്.

മൂന്നാം മത്സരത്തില്‍ ആദ്യം ബാറ്റ് ചെയ്ത ദക്ഷിണാഫ്രിക്ക നിശ്ചിത ഓവറില്‍ 8 വിക്കറ്റ് നഷ്ടത്തില്‍ 215 റണ്‍സെടുത്തു. ടോസ് നേടി ദക്ഷിണാഫ്രിക്ക ബാറ്റിങ് തിരഞ്ഞെടുക്കുകയായിരുന്നു.

ഓപ്പണറും ക്യാപ്റ്റനുമായ ലൗറ വോള്‍വാര്‍ട് അര്‍ധ സെഞ്ച്വറി നേടി. താരം 57 പന്തില്‍ 61 റണ്‍സെടുത്തു. സഹ ഓപ്പണര്‍ തസ്മിന്‍ ബ്രിറ്റ്‌സാണ് മികവു പുലര്‍ത്തിയ മറ്റൊരു താരം. 38 റണ്‍സാണ് താരം നേടിയത്. 66 പന്തുകള്‍ ചെറുത്തു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

നദിന്‍ ഡി ക്ലാര്‍ക്, മികെ ഡി റിഡ്ഡര്‍ എന്നിവര്‍ 26 റണ്‍സ് വീതമെടുത്തു പിടിച്ചു നിന്നു. മറ്റൊരാളും കാര്യമായി ക്രീസില്‍ നിന്നില്ല.

ഇന്ത്യക്കായി ദീപ്തി ശര്‍മ, അരുന്ധതി റെഡ്ഡി എന്നിവര്‍ രണ്ട് വീതം വിക്കറ്റുകള്‍ നേടി. ശ്രേയങ്ക പാട്ടീല്‍, പൂജ വസ്ത്രാകര്‍ എന്നിവര്‍ ഓരോ വിക്കറ്റെടുത്തു.