ടോക്യോ: ഒളിംപിക്‌സിലെ ഇടിക്കൂട്ടില്‍ ആറ് വട്ടം ലോക ചാമ്പ്യനായ മേരി കോമിന് വിജയ തുടക്കം. വനിതകളുടെ ഫ്‌ളൈവെയ്റ്റില്‍ ഡൊാമനിക്കന്‍ റിപ്പബ്ലിക്കന്‍ താരം ഗ്രേഷ്യാ ഹെര്‍ണാണ്ടസിനെ തോല്‍പ്പിച്ചാണ് മേരി കോം പ്രിക്വാര്‍ട്ടറിലേക്ക് കടന്നത്.  

ഒളിംപിക്‌സിന്റെ തന്റെ രണ്ടാമത്തെ മെഡല്‍ ലക്ഷ്യമിട്ടാണ് ടോക്യോയില്‍ മേരി കോം എത്തി നില്‍ക്കുന്നത്. ജൂലൈ 29ന് പ്രീക്വാര്‍ട്ടറില്‍ കൊളംബിയയുടെ വലെന്‍സ് വിക്ടോറയ ഇന്‍ഗ്രിറ്റ് ലൊറേനയെ മേരി കോം നേരിടും. 

പിന്നോട്ടാഞ്ഞാണ് മേരി കോം തുടങ്ങിയത്. എന്നാല്‍ പോകപോകെ പേസ് വീണ്ടെടുക്കുകയും രണ്ടാം റണ്ടൗല്‍ 3-2ന് ലീഡ് ചെയ്യുകയും ചെയ്തു. 4-1നാണ് റൗണ്ട് 32ലെ താരത്തിന്റെ ജയം. 2012ല്‍ മേരി കോം വെങ്കലമെഡല്‍ നേടിയിരുന്നു. ഇത് സ്വര്‍ണത്തിലേക്ക് ഉയര്‍ത്തുകയാണ് ലോക മൂന്നാം നമ്പര്‍ താരത്തിന്റെ ലക്ഷ്യം.