ടോക്യോ: 10 മീറ്റര് എയര് പിസ്റ്റളില് ഇന്ത്യയുടെ മെഡല് പ്രതീക്ഷയായിരുന്ന സൗരഭ് ചൗധരിക്ക് ഞെട്ടിക്കുന്ന തോല്വി. ഒന്നാമതായി ഫൈനലിലേക്ക് കടന്നെങ്കിലും മെഡല് നേട്ടത്തിലേക്ക് എത്താനുള്ള മികവ് പുറത്തെടുക്കാന് ഇന്ത്യയുടെ 19കാരനായ ഷൂട്ടര്ക്ക് കഴിഞ്ഞില്ല.
ഫൈനലില് ഏഴാം സ്ഥാനത്താണ് സൗരഭ് ഫിനിഷ് ചെയ്തത്. 2019നും 2021നും ഇയതില് ഐഎസ്എസ്ഫഫ് ലോകകപ്പില് എട്ട് സ്വര്ണമാണ് സൗരഭ് ചൗധരി വാരിക്കൂട്ടിയത്. ഇത് ടോക്യോയിലും സൗരഭ് സ്വര്ണത്തിലേക്ക് എത്തുമെന്ന പ്രതീക്ഷ നല്കി. എന്നാല് ഫൈനലിലെ സമ്മര്ദം അതിജീവിക്കാന് സൗരഭിനായില്ല.
ടെന്നീസില് സുമിത് നഗാളിലൂടെ ഇന്ത്യ മുന്നേറി. ഒളിംപിക്സില് പുരുഷ വിഭാഗം സിംഗിള്സില് ഒരു മത്സരം ജയിക്കുന്ന മൂന്നാമത്തെ മാത്രം ഇന്ത്യന് താരം എന്ന നേട്ടമാണ് സുമിത് ഇവിടെ സ്വന്തമാക്കിയത്. രണ്ട് മണിക്കൂറും 34 മിനിറ്റും നീണ്ട പോരില് ഡെന്നിസ് ഇസ്തോമിനെ 6-4,6-7,6-4 സെറ്റുകള്ക്കാണ് സുമിത് തോല്പ്പിച്ചത്.
എന്നാല് രണ്ടാം റൗണ്ടില് കനത്ത വെല്ലുവിളിയാണ് സുമിത്തിനെ കാത്തിരിക്കുന്നത്. ഡാനില് മെദ്വേദേവിനെയാണ് രണ്ടാം റൗണ്ടില് സുമിത് നേരിടേണ്ടത്. 1988ല് സീഷാന് അലിയാണ് ഒളിംപിക്സില് ആദ്യമായി ഒരു റൗണ്ട് ജയിച്ച ഇന്ത്യന് താരം. 1996ല് ലിയാന്ഡര് പേസും ആ നേട്ടത്തിലേക്ക് എത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates