ഇന്ത്യ ഓസ്ട്രേലിയ, പാകിസ്ഥാന് ടീമുകള്ക്കൊപ്പം എ ഗ്രൂപ്പില്. ഒക്ടോബര് 3 മുതല് 20 വരെ യുഎഇയിലാണ് പോരാട്ടം. ആഭ്യന്തര കലാപത്തെ തുടര്ന്നു ബംഗ്ലാദേശില് നടക്കേണ്ട ടൂര്ണമെന്റ് യുഎഇയിലേക്ക് മാറ്റുകയായിരുന്നു.
ഒക്ടോബര് 4 മുതലാണ് ഇന്ത്യയുടെ പോരാട്ടങ്ങള് അരംഭിക്കുന്നത്. ഒക്ടോബര് നാലിന് ന്യൂസിലന്ഡുമായാണ് ആദ്യ പോരാട്ടം.
ഒക്ടോബര് ആറിനാണ് ഇന്ത്യ- പാകിസ്ഥാന് ബ്ലോക്ക്ബസ്റ്റര്. ഒക്ടോബര് ഒന്പതിന് ഇന്ത്യ ശ്രീലങ്കയുമായി ഏറ്റുമുട്ടും. ഇന്ത്യ- ഓസ്ട്രേലിയ സൂപ്പര് പോരാട്ടം ഒക്ടോബര് 13ന് അരങ്ങേറും.
ഒന്നാം സെമി ഒക്ടോബര് 17നും രണ്ടാം സെമി ഒക്ടോബര് 18നും. ഒക്ടോബര് 20നാണ് ഫൈനല് പോരാട്ടം.
വനിതാ ടി20 ലോകകപ്പിനുള്ള ഇന്ത്യന് ടീമിനെ നേരത്തെ പ്രഖ്യാപിച്ചിരുന്നു. 15 അംഗ ടീമില് രണ്ട് മലയാളി താരങ്ങള് ഇടം പിടിച്ചു. ആശ ശോഭന, സജന സജീവന് എന്നിവരാണ് ഇടം കണ്ടത്. ഇതാദ്യമായാണ് രണ്ട് മലയാളി താരങ്ങള് ഒരേ സമയം ലോകകപ്പിനുള്ള ഇന്ത്യന് ക്രിക്കറ്റ് ടീമില് ഇടം പിടിക്കുന്നത്.
ഹര്മന് പ്രീത് കൗര്, സ്മൃതി മന്ധാന, ഷെഫാലി വര്മ, ദീപ്തി ശര്മ, ജെമിമ റോഡ്രിഗസ്, റിച്ച ഘോഷ്, യസ്തിക ഭാട്ടിയ, പൂജ വസ്ത്രാകര്, ദയാളന് ഹേമലത, അരുന്ധതി റെഡ്ഡി, രാധ യാദവ്, ശ്രേയങ്ക പാട്ടീല്, ആശ ശോഭന, രേണുക സിങ്, സജന സജീവന്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates