ധാക്ക: ക്യാച്ച് എടുക്കാന്‍ ഒപ്പമെത്തിയ സഹതാരത്തെ തല്ലാനോങ്ങി ബംഗ്ലാദേശ് വിക്കറ്റ് കീപ്പര്‍ മുഷ്ഫിഖര്‍ റഹീം. ബംഗ്ലാദേശ് ബംഗബന്ധു ടി20 ടൂര്‍ണമെന്റിലാണ് സംഭവം.
ബെക്‌സിംകോ ധാക്ക-ബാരിഷാള്‍ പോരിനിടയിലാണ് ബെക്‌സിംകോ നായകന്റെ സമനില തെറ്റിയത്. ബരിഷാള്‍ ഇന്നിങ്‌സിലെ പതിനേഴാം ഓവറിലെ അവസാന പന്തില്‍ അഫിഫ് ഹുസെയ്‌നിന്റെ ചീക്കി ഷോട്ട് പിഴച്ചു. ഉയര്‍ന്നു പൊങ്ങിയ പന്ത് കൈക്കലാക്കാന്‍ മുഷ്ഫിഖര്‍ റഹീമും, സഹതാരം നൗസും ഓടിയടുത്തു.
വലിയ കൂട്ടിയിടിയിലേക്ക് എത്തുന്നതിന് മുന്‍പ് മുഷ്ഫിഖര്‍ ക്യാച്ച് കൈക്കലാക്കി. ക്യാച്ചെടുത്തതിന് പിന്നാലെ ദേഷ്യത്തില്‍ നൗസിനെ തല്ലാന്‍ ഓങ്ങുകയായിരുന്നു മുഷ്ഫിഖര്‍. സഹതാരങ്ങള്‍ എത്തി സമാധാനിപ്പിച്ചെങ്കിലും മുഷ്ഫിഖര്‍ ദേഷ്യത്തോടെ നൗസിനോട് സംസാരിക്കുന്നത് തുടര്‍ന്നു. കളിയില്‍ ധാക്ക 9 റണ്‍സിന്റെ ജയം പിടിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates