ബ്യൂണസ് അയേഴ്സ്: ഖത്തറിലെ ലുസൈൽ സ്റ്റേഡിയത്തിലെ വിഹായസിലേക്ക് ഇതിഹാസ താരം ലയണൽ മെസി വിശ്വ കിരീടം ഉയർത്തിയിട്ട് ഇന്നേക്ക് ഒരു വർഷം. ഫ്രാൻസിനെ പെനാൽറ്റി ഷൂട്ടൗട്ടിൽ വീഴ്ത്തിയാണ് 36 വർഷത്തെ കാത്തിരിപ്പിനൊടുവിൽ അർജന്റീന വീണ്ടും വിശ്വ കിരീടത്തിൽ മുത്തമിട്ടത്. ആ ദിവസം ഓർത്ത് ഇപ്പോൾ സാമൂഹിക മാധ്യമത്തിൽ കുറിപ്പുമായി മെസി. 

'എന്റെ കരിയറിലെ ഏറ്റവും മനോഹരമായ ഉന്മാദത്തിനു ഒരു വർഷം. ജീവിത കാലം മുഴുവൻ നിൽക്കുന്ന മറക്കാനാകാത്ത ഓർമകൾ. എല്ലാവർക്കും ലോകകപ്പ് നേട്ടത്തിന്റെ വാർഷികം ആശംസിക്കുന്നു'- മെസി കുറിച്ചു. 

ആരാധകർ ദീർഘ നാളായി കാത്തിരുന്ന സന്ദർഭമായിരുന്നു ലുസൈൽ മൈതാനത്തു ആ രാവിൽ സംഭവിച്ചത്. അത്ര കാൽപ്പനികവും വൈകാരികവുമായി കിരീട നേട്ടം മാറിയതും അതിനാൽ തന്നെ.

ഈ വാര്‍ത്ത കൂടി വായിക്കൂ 

കനത്ത തോല്‍വി, പിന്നാലെ പിഴ, പോയിന്റ് നഷ്ടം; പാകിസ്ഥാന്റെ കഷ്ടകാലത്തിനു മാറ്റമില്ല

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ