പാരിസ്: ചാമ്പ്യന്‍സ് ലീഗില്‍ മാഞ്ചസ്റ്റര്‍ സിറ്റിക്കെതിരെ പിഎസ്ജിക്ക് ജയം. എതിരില്ലാത്ത രണ്ട് ഗോളിനാണ് ഗാര്‍ഡിയോളയുടെ സംഘത്തെ പിഎസ്ജി വീഴ്ത്തിയത്. പിഎസ്ജി കുപ്പായത്തില്‍ മെസി തന്റെ ആദ്യ ഗോളും നേടി.
8ാം മിനിറ്റില്‍ ഇഡ്രിസ ഗുയെയിലൂടെയാണ് പിഎസ്ജി ഗോള്‍ വല കുലുക്കിയത്. നെയ്മറുടെ ബ്ലാക്ക് ഫഌക്ക് ശ്രമം പാളിയപ്പോള്‍ പന്ത് പിടിച്ചെടുത്ത് മധ്യനിര താരം ഇഡ്രിസ അവസരം മുതലാക്കുകയായിരുന്നു. സമനില ഗോളിനായി മാഞ്ചസ്റ്റര്‍ സിറ്റി കിണഞ്ഞ് പരിശ്രമിച്ചെങ്കിലും നടന്നില്ല.
ഒടുവില്‍ പിഎസ്ജിക്കായി മെസിയുടെ ആദ്യ ഗോള്‍ എത്തി. 74ാം മിനിറ്റിലായിരുന്നു ഇത്. എംബാപ്പെ നല്‍കിയ ബാക്ക് ഹീല്‍ പാസില്‍ നിന്നാണ് മെസി ഗോള്‍ വല കുലുക്കിയത്. സിറ്റി ആക്രമണം ശക്തമാക്കിയപ്പോള്‍ നെയ്മര്‍ ഉള്‍പ്പെടെയുള്ള താരങ്ങള്‍ സ്വന്തം ബോക്‌സിലേക്ക് ഇറങ്ങി പ്രതിരോധിച്ചാണ് സന്ദര്‍ശകര്‍ക്ക് ഗോള്‍ അവസരം നിഷേധിച്ചത്.
കളിയില്‍ 18 ഷോട്ടുകളാണ് സിറ്റിയില്‍ നിന്ന് വന്നത് അതില്‍ ഏഴ് എണ്ണം ഷോട്ട് ഓണ്‍ ടാര്‍ഗറ്റിലേക്ക് വന്നെങ്കിലും ഗോള്‍വല കുലുക്കാനായില്ല. മറുവശത്ത് ആറ് ഷോട്ടുകളില്‍ മൂന്നും ഷോട്ട് ഓണ്‍ ടാര്‍ഗറ്റിലേക്ക് അടയാളപ്പെടുത്തിയ പിഎസ്ജിക്ക് രണ്ട് വട്ടം ഗോള്‍ വല കുലുക്കാനായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates