സിഡ്നി: ഇന്ത്യക്കെതിരായ മൂന്നാം ഏകദിനത്തില് ഫീല്ഡറുടെ ത്രോയില് ഓസീസ് താരത്തിന് പരിക്ക്. ഇന്ത്യന് ഇന്നിങ്സിന്റെ സമയം ഫൈന് ലെഗില് നിന്നുള്ള ഫീല്ഡറുടെ ത്രോയിലാണ് സ്ട്രൈക്കേഴ്സ് എന്ഡില് നിന്ന ഓസീസ് താരം മൊലിനെക്സിന് പരിക്കേറ്റത്.
ഇന്ത്യന് ഇന്നിങ്സിന്റെ 39ാം ഓവറിലാണ് സംഭവം. ദീപ്തി ശര്മയുടെ ടോപ് എഡ്ജ്ഡ് ഷോട്ടില് പന്ത് ഫൈന് ലെഗിലേക്ക് എത്തി. സ്റ്റെല്ല കാമ്പെല് പന്ത് സ്ട്രൈക്കേഴ്സ് എന്ഡിലേക്ക് എറിഞ്ഞു. ഈ സമയം മൊലിനക്സ് സ്റ്റംപിന് സമീപം നില്ക്കുകയായിരുന്നു. പന്ത് കൈക്കലാക്കാന് മൊലിനക്സ് ശ്രമിച്ചെങ്കിലും മുഖത്ത് വന്നടിച്ചു.
വായില് നിന്ന് ചോരയൊലിച്ചതോടെ താരം ഗ്രൗണ്ട് വിട്ടു. എന്നാല് ചുണ്ടിന് ചുറ്റും ബാന്ഡേജുമായി അധികം വൈകാതെ ഗ്രൗണ്ടിലേക്കും തിരിച്ചെത്തി. മൂന്നാം ഏകദിനത്തില് ഇന്ത്യ രണ്ട് റണ്സിന് ജയിച്ചിരുന്നു. മൂന്ന് ഏകദിനങ്ങളുടെ പരമ്പര ഓസ്ട്രേലിയ 2-1ന് നേരത്തെ സ്വന്തമാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates