കൊളംബോ: ലോകകകപ്പില്‍ മൂന്ന് മത്സരങ്ങള്‍ ജയിച്ച് ഇംഗ്ലണ്ട് സെമിയില്‍ കയറിയതോടെ, ഗ്രൂപ്പ് രണ്ടില്‍ നിന്ന് സെമിയില്‍ എത്തുന്ന രണ്ടാമത്തെ ടീമിനെ ഇന്നറിയാം. ന്യൂസിലന്‍ഡിനാണ് സെമി സാധ്യത കൂടുതല്ലെങ്കിലും നിലവില്‍ ഒരു പോയിന്റുള്ള പാകിസ്ഥാന്‍ ഇന്ന് ശ്രീലങ്കയ്‌ക്കെതിരായ മത്സരത്തില്‍ ജയിച്ചാല്‍ 3 പോയിന്റാകും.

ഇന്നലത്തെ മത്സരത്തില്‍ തോറ്റെങ്കിലും നിലവില്‍ ന്യൂസിലന്‍ഡിനു 3 പോയിന്റാണുള്ളത്. ഒരു വിജയമുള്ള ന്യൂസീലന്‍ഡാണ് ഗ്രൂപ്പില്‍ രണ്ടാം സ്ഥാനത്തെങ്കിലും ഇന്നത്തെ മത്സരത്തിലെ റണ്‍റേറ്റാകും സെമി സാധ്യതകളില്‍ നിര്‍ണായമാകുക.

പാകിസ്ഥാനു പ്രതീക്ഷ നല്‍കിയത് ഇംഗ്ലണ്ടിന്റെ ജയമാണ്. . അവസാന മത്സരത്തില്‍ പാകിസ്ഥാന്‍ ശ്രീലങ്കയെ തോല്‍പിച്ചാല്‍ പാകിസ്ഥാനും ന്യൂസീലന്‍ഡിനും മൂന്നുപോയിന്റു വീതമാകും. ശ്രീലങ്കയ്‌ക്കെതിരെ പാകിസ്ഥാന്‍ 64 റണ്‍സിനു വിജയിച്ചാല്‍ സെമിയിലെത്തും. ചേസിങ് ആണെങ്കില്‍ 13.1 ഓവറില്‍ വിജയത്തിലെത്തണം. അല്ലെങ്കില്‍ ന്യൂസീലന്‍ഡ് യോഗ്യത നേടും.