രാജ്‌കോട്ട്: വിജയ്ഹസാരെ ട്രോഫി ചാമ്പ്യൻഷിപ്പിൽ കേരളത്തിന് മൂന്നാം ജയം. 93 ബോളുകൾ ബാക്കിനിൽക്കെ അഞ്ച് വിക്കറ്റിന് ഛത്തീസ്​ഗഢിനെ തോൽപ്പിച്ചാണ് കേരളത്തിന്റെ ജയം. 54 റൺസെടുത്ത് പുറത്താകാതെ നിന്ന വിനൂപ് മനോഹരനാണ് കേരള നിരയിലെ ടോപ്പ് സ്‌കോറർ. 72 ബോളുകൾ നേരിട്ട വിനീത് ഒൻപത് ബൗണ്ടറി പായിച്ചു. ബോളർമാരിൽ അഞ്ച് വിക്കറ്റുകൾ നേടി സിജോമോൻ ജോസഫ് തിളങ്ങി.

കേരളത്തിനായി മുഹമ്മദ് അസ്ഹറുദ്ദീൻ 45റൺസും റൊഹാൻ 36 റൺസും നേടി. ഛത്തീസ്ഗഢിനായി അജയ് മണ്ഡൽ മൂന്നും സുമിത് രണ്ട് വിക്കറ്റും നേടി. ഛത്തീസ്ഗഢ് 46.2 ഓവറിൽ 189ന് എല്ലാവരും പുറത്തായി.

98 റൺസെടുത്ത കാപ്റ്റൻ ഹർപ്രീത് സിങ്ങാണ് ഛത്തീസ്ഗഢ് താരങ്ങളിൽ ഏറ്റവുമധികം റൺസ് കണ്ടെത്തിയത്. 11 ബൗണ്ടറിയും ഒരു സിക്‌സുമായി 98 റൺസാണ് താരം അടിച്ചത്. കേരള നിരയിലെ ബോളർമാരിൽ അഞ്ച് വിക്കറ്റുകൾ നേടി സിജോമോൻ ജോസഫ് തിളങ്ങി. ബോസിൽ തമ്പി, എം ജി നിധീഷ് എന്നിവർ രണ്ട് വിക്കറ്റുകൾ വീതവും വിനൂപ് മനോഹരൻ ഒരു വിക്കറ്റും നേടി.