ലണ്ടന്‍: ഓവല്‍ ടെസ്റ്റില്‍ ഇംഗ്ലണ്ട് ഓപ്പണര്‍ ഹസീബ് ഹമീദിന്റെ ഗാര്‍ഡ് ചോദ്യം ചെയ്ത് ഇന്ത്യന്‍ നായകന്‍ വിരാട് കോഹ് ലി. ഹെഡിങ്‌ലേയില്‍ ഇന്ത്യന്‍ വിക്കറ്റ് കീപ്പര്‍ ബാറ്റ്‌സ്മാന്‍ ഋഷഭ് പന്തിനോട് സ്റ്റാന്‍സ് മാറ്റാന്‍ അമ്പയര്‍ നിര്‍ദേശിച്ചിരുന്നു. എന്നാല്‍ ഓവലില്‍ ഇംഗ്ലണ്ട് ഓപ്പണറുടെ നീക്കം അമ്പയര്‍ ചോദ്യം ചെയ്തില്ല.
ക്രീസില്‍ നിന്ന് ഏറെ മുന്‍പിലേക്ക് കയറിയാണ് ഹസീബ് ഹമീദ് ഇവിടെ സ്റ്റാന്‍സ് എടുത്തത്. ഇതോടെ കോഹ് ലി ഇത് അമ്പയറുടെ ശ്രദ്ധയിലേക്ക് കൊണ്ടുവന്നു. പിച്ചിലെ പ്രൊട്ടക്റ്റഡ് ഏരീയയോട് ചേര്‍ന്ന് ഗാര്‍ഡ് എടുക്കരുത് എന്നാണ് നിയമം. ക്രീസില്‍ നിന്ന് 5 അടി അകലെയാണ് ഇത്.
ഹമീദിന്റെ ഗാര്‍ഡില്‍ കോഹ് ലി അമ്പയറുമായി സംസാരിച്ചു. എന്നാല്‍ ക്രീസില്‍ അധിക സമയം നില്‍ക്കാന്‍ ഹമീദ് തയ്യാറായില്ല. 12 പന്തില്‍ ഡക്കായി ഹമീദ് ഡ്രസിങ് റൂമിലേക്ക് മടങ്ങി. ഹെഡിങ്‌ലേയില്‍ ഫ്രണ്ട് ഫൂട്ട് പിച്ചിലെ പ്രൊട്ടക്റ്റഡ് ഏരിയയിലേക്ക് വരുന്നു എന്ന് ചൂണ്ടിയാണ് ഋഷഭ് പന്തിനോട് ഗാര്‍ഡ് മാറ്റാന്‍ അമ്പയര്‍ നിര്‍ദേശിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates