ജൊഹന്നാസ്ബര്‍ഗ്: ദക്ഷിണാഫ്രിക്കക്കെതിരായ ടെസ്റ്റ് പോരാട്ടത്തിനു മുന്നോടിയായി വിരാട് കോഹ്‌ലി ഇന്ത്യന്‍ ടീമിനൊപ്പം. നേരത്തെ കുടുംബപരമായ അത്യാവശ്യം ചൂണ്ടിക്കാട്ടി ദക്ഷിണാഫ്രിക്കയിലെത്തിയതിനു പിന്നാലെ താരം നാട്ടിലേക്ക് മടങ്ങിയിരുന്നു. ഈ മാസം 26 മുതലാണ് ഒന്നാം ടെസ്റ്റ്.

അതേസമയം താരം ലണ്ടനിലേക്കാണ് പോയതെന്നും നാട്ടിലേക്കായിരുന്നില്ലെന്നും ഒരു ബിസിസിഐ വക്താവ് വെളിപ്പെടുത്തി. ഇക്കാര്യം ബിസിസിഐയെ അറിയിച്ചിരുന്നതായും അദ്ദേഹം വ്യക്തമാക്കി. ലണ്ടനിലായതിനാല്‍ താരം പരിശീലന മത്സരങ്ങള്‍ക്കു ഇറങ്ങിയിട്ടില്ല. 

ലണ്ടനിലേക്ക് പോകും മുന്‍പ് തന്നെ കഠിന പരിശീലനം നടത്തിയിരുന്നു. 3, 4 സെഷനുകള്‍ അധികം പരിശീലനം നടത്തിയാണ് അദ്ദേഹം ലണ്ടനിലേക്ക് പോയത്. അദ്ദേഹം ഇപ്പോള്‍ ടീമിനൊപ്പം ചേര്‍ന്നതായും നാളെ സെഞ്ചൂറിയനില്‍ പരിശീലനത്തിനു ഇറങ്ങുമെന്നും അദ്ദേഹം വെളിപ്പെടുത്തി.

ഈ വാർത്ത കൂടി വായിക്കൂ 

പ്രീമിയര്‍ ലീഗിലെ പുരുഷ പോരാട്ടം നിയന്ത്രിക്കുന്ന ആദ്യ വനിതാ റഫറി; ചരിത്രത്തിലേക്ക് വിസിലൂതി റബേക്ക 

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ