ന്യൂഡല്‍ഹി: വിജയ് ഹസാരെ ട്രോഫിയില്‍ അരങ്ങേറ്റം കുറിച്ച് ഇന്ത്യന്‍ പേസര്‍ മുഹമ്മദ് ഷമിയുടെ സഹോദരന്‍. ബംഗാളിന് വേണ്ടി ജമ്മു കശ്മീരിന് എതിരായ കളിയിലാണ് മുഹമ്മദ് കൈഫ് അരങ്ങേറ്റം കുറിച്ചത്. 

സഹോദരന് ആശംസയുമായി മുഹമ്മദ് ഷമി ട്വിറ്ററിലെത്തി. ഈ നിമിഷത്തിന് വേണ്ടിയാണ് ഞങ്ങളെല്ലാവരും കാത്തിരുന്നത് എന്നാണ് ഷമി പറയുന്നത്. നിന്റെ സ്വപ്നത്തോടെ ഒരു ചുവടുകൂടി അടുത്ത് കഴിഞ്ഞെന്നും ഷമി പറയുന്നു. 

ബംഗാളിന്റെ ഓള്‍റൗണ്ടറാണ് മുഹമ്മദ് കൈഫ്. കശ്മീരിന് എതിരെ അരങ്ങേറ്റത്തില്‍ കൈഫിന് ബാറ്റിങ്ങിന് ഇറങ്ങേണ്ടി വന്നില്ല. 4 വിക്കറ്റ് നഷ്ടത്തില്‍ 368 റണ്‍സിലേക്കാണ് ബംഗാള്‍ എത്തിയത്. എന്നാല്‍ ബൗളിങ്ങില്‍ വേണ്ട മികവ് കാണിക്കാന്‍ അരങ്ങേറ്റ മത്സരത്തില്‍ ഷമിയുടെ അനിയന് കഴിഞ്ഞില്ല.