ലാഹോര്: ഇന്ത്യയെ തോല്പ്പിച്ച് ടി20 ലോകകപ്പ് ക്യാംപെയ്നിന് തുടക്കമിടാനാണ് ആഗ്രഹിക്കുന്നതെന്ന് പാകിസ്ഥാന് നായകന് ബാബര് അസം. ടി20 ലോകകപ്പില് ഇന്ത്യയും പാകിസ്ഥാനും ഏറ്റുമുട്ടുമ്പോള് ഇന്ത്യക്ക് മുകളിലാണ് കൂടുതല് സമ്മര്ദമെന്നും ബാബര് അസം പറഞ്ഞു.
ഇന്ത്യയെ തോല്പ്പിച്ച് ക്യാംപെയ്ന് ആരംഭിക്കാനാണ് ഞങ്ങള് ആഗ്രഹിക്കുന്നത്. യുഎഇയില് കളിക്കുമ്പോള് ഞങ്ങളുടെ ഹോം ഗ്രൗണ്ടില് കളിക്കുന്നത് പോലെയാണ്. ലോകകപ്പ് മത്സരങ്ങളില് പാകിസ്ഥാന് മുകളിലുള്ളതിനേക്കാള് സമ്മര്ദം ഇന്ത്യക്ക് മേലാണെന്നും ബാബര് അസം പറഞ്ഞു.
ടി20 ഗ്രൂപ്പ് ഘട്ടത്തില് ഒക്ടോബര് 24നാണ് ഇന്ത്യാ പാക് പോര്. 2019 ഇംഗ്ലണ്ട് ലോകകപ്പില് നേര്ക്കു നേര് വന്നതിന് ശേഷം ഇന്ത്യയും പാകിസ്ഥാനും തമ്മില് കളിച്ചിട്ടില്ല. ഐസിസി ഇവന്റുകളില് ഏകദിനത്തില് പാകിസ്ഥാന് മേല് ആധിപത്യം ഇന്ത്യക്കുണ്ട്.
ന്യൂസിലാന്ഡിന് എതിരായ ഏകദിന പരമ്പരക്കുള്ള ടീമിനെ പ്രഖ്യാപിച്ചതില് നേരിട്ട വിമര്ശനങ്ങള്ക്കും ബാബര് അസം മറുപടി നല്കുന്നു. മധ്യനിരയില് ഞങ്ങള്ക്ക് പ്രശ്നങ്ങള് നേരിടുന്നു. ടീമില് സ്ഥാനം ഉറപ്പിക്കാന് പല താരങ്ങള്ക്കും ഇത് മികച്ച അവസരമാണെന്നും ബാബര് പറഞ്ഞു.
പാകിസ്ഥാന് ക്യാപ്റ്റന് സര്ഫ്രാസ് അഹ്മദിനെ ന്യൂസിലാന്ഡിന് എതിരായ ഏകദിന പരമ്പരയില് നിന്ന് ഒഴിവാക്കിയിരുന്നു. പകരം ഇഫ്തിഖര് അഹ്മദ്, ഖുഷ്ദില് ഷാ എന്നീ ബാറ്റ്സ്മാന്മാരെ ടീമിലേക്ക് തിരികെ വിളിക്കുകയും ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates