അഹമ്മദാബാദ്: പത്തില്‍ പത്ത് കളികളും ജയിച്ച ഇന്ത്യ ഫൈനലിനുള്ള പ്ലെയിങ് ഇലവനില്‍ എന്തെങ്കിലും സര്‍പ്രൈസ് ഒളിപ്പിച്ചിട്ടുണ്ടോ. നിലവിലെ വിന്നിങ് കോമ്പിനേഷന്‍ മാറ്റാന്‍ ഒരു സാധ്യതയും നിലവിലില്ല. എന്നാല്‍ ആര്‍ അശ്വിന്‍ ഈ ലോകകപ്പില്‍ ഒരു മത്സരം മാത്രമാണ് കളിച്ചത്. അത് ആദ്യ കളിയിലാണ്. അന്ന് ഓസ്‌ട്രേലിയയെയാണ് ഇന്ത്യ നേരിട്ടത്. 

ആ മത്സരത്തില്‍ മികച്ച ബൗളിങായിരുന്നു അശ്വിന്‍ നടത്തിയത്. 10 ഓവറില്‍ ഒരു മെയ്ഡനടക്കം വെറും 34 റണ്‍സ് വഴങ്ങി ഒരു വിക്കറ്റ്. പിന്നീട് താരം കളിച്ചതുമില്ല. 

കളിക്കു മുന്‍പുള്ള പത്ര സമ്മേളനത്തില്‍ ഇക്കാര്യത്തില്‍ വ്യക്തത വരുത്തിയിരിക്കുകയാണ് രോഹിത് ശര്‍മ. പ്ലെയിങ് ഇലവനിലേക്ക് അശ്വിന്‍ വരുമോ എന്നായിരുന്നു ചോദ്യം. 

ടീം അക്കാര്യത്തിലൊന്നും ഇതുവരെ തീരുമാനം എടുത്തിട്ടില്ല. പിച്ചിന്റെ അവസ്ഥയാണ് അതിനെല്ലാം പിന്നില്‍. അത് അറിഞ്ഞ ശേഷം, കളിക്കു തൊട്ടു മുന്‍പ് മാത്രമായിരിക്കും ടീം തീരുമാനം- രോഹിത് പറഞ്ഞു. 

മാറ്റം വരികയാണെങ്കില്‍ സൂര്യ കുമാര്‍ യാദവിനു പകരം അശ്വിന്‍ കളിച്ചേക്കും. അതിനു പക്ഷേ വിദൂര സാധ്യത മാത്രമേ കാണുന്നുള്ളു.

ഈ വാര്‍ത്ത കൂടി വായിക്കൂ 

'800, രണ്ട് ലോക കിരീടങ്ങള്‍, 1744'- കോഹ്‌ലിയെ കാത്ത് റെക്കോര്‍ഡുകള്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ