മാഡ്രിഡ്: മെസി നൗകാമ്പ് വിട്ടതിന് ശേഷം ബാഴ്‌സയുടെ പോക്ക് ശരിയായ വഴിയിലല്ല. ഇതോടെ പരിശീലകന്‍ റൊണാള്‍ഡ് കൂമാന്റെ കാല്‍ ചുവട്ടിലെ മണ്ണും ഒലിച്ചുപോവുകയാണ്. കൂമാന് പകരം ബാഴ്‌സയിലേക്ക് എത്തുമെന്ന് കരുതപ്പെടുന്ന പേരുകളില്‍ മുന്‍ താരം സാവിയുമുണ്ട്.
എന്നാല്‍ ബാഴ്‌സയുടെ ചുമതല ഏറ്റെടുക്കരുത് എന്നാണ് സാവിയോട് സുവാരസ് പറയുന്നത്. ടീമിന്റെ ശക്തിയും ദൗര്‍ബല്യവും സാവിക്ക് മനസിലാക്കാനാവും. ബുദ്ധിമാനാണ് സാവി. എന്നാല്‍ ചുമതലയേല്‍ക്കേണ്ട ശരിയായ സമയത്താണ് അത് ചെയ്യേണ്ടത് എന്നും സാവിയോട് സുവാരസ് പറയുന്നു.
ലാ ലീഗയില്‍ നിലവില്‍ ആറാം സ്ഥാനത്താണ് ബാഴ്‌സ. ആറ് കളിയില്‍ മൂന്ന് ജയവും മൂന്ന് തോല്‍വിയും. ചാമ്പ്യന്‍സ് ലീഗ് സീസണിലെ ആദ്യ കളിയില്‍ ബയേണിനോട് എതിരില്ലാത്ത മൂന്ന് ഗോളിന് തോറ്റ ബാഴ്‌സ ബെന്‍ഫികയോടും 3-0ന് വീണിരുന്നു.
കൂമാനെ മാറ്റുമെന്ന സൂചന വരുമ്പോഴും കളിക്കാരുടെ പിന്തുണ തനിക്കാണെന്നാണ് അദ്ദേഹം പറയുന്നത്. ബെല്‍ജിയം പരിശീലകന്‍ റോബര്‍ട്ടോ മാര്‍ട്ടിനസ്, ആേ്രന്ദ പിര്‍ലോ, റിവര്‍പ്ലേറ്റിന്റെ അര്‍ജന്റീന പരിശീലകന്‍ മാര്‍സെലോ എന്നിവരാണ് ബാഴ്‌സയുടെ സാധ്യത പട്ടികയിലുള്ളത് എന്നാണ് സൂചന.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates