ജിദ്ദ: മുന് രാജസ്ഥാന് റോയല്സ് താരം യുസ്വേന്ദ്ര ചഹലിനും കോടി കിലുക്കം. താരത്തെ 18 കോടി രൂപയ്ക്ക് പഞ്ചാബ് കിങ്സ് ടീമിലെത്തിച്ചു. ഗുജറാത്ത്, ലഖ്നൗ, സണ്റൈസേഴ്സ് ഹൈദരാബാദ് ടീമുകള് താരത്തിനായി കൊണ്ടുപിടിച്ചു ലേലം വിളിച്ചു.
ഇന്ത്യന് പേസര്മാരായ മുഹമ്മദ് സിറാജ്, മുഹമ്മദ് ഷമി എന്നിവരെ ഗുജറാത്ത് ടൈറ്റന്സ്, ഹൈദരാബാദ് ടീമുകള് ടീമിലെത്തിച്ചു. സിറാജിന് 12.25 കോടി. ഷമിയ്ക്ക് 10 കോടി.
ഇംഗ്ലണ്ട് താരം ലിയാം ലിവിങ്സ്റ്റന് ഇനി റോയല് ചലഞ്ചേഴ്സ് ബംഗളൂരുവില്. താരത്തെ 8.75 കോടിയ്ക്കാണ് ടീം സ്വന്തമാക്കിയത്.
ദക്ഷിണാഫ്രിക്കന് വെടിക്കെട്ട് ബാറ്റര് ഡേവിഡ് മില്ലറെ ലഖ്നൗ സൂപ്പര് ജയന്റ്സ് സ്വന്തമാക്കി. താരത്തിനു 7.50 കോടിയ്ക്കാണ് ലഖ്നൗ മില്ലറെ സ്വന്തമാക്കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates