റിയാദ്: സൂപ്പര്‍ ക്ലാസിക്കോയിലെ ജയം...അതും മെസിയിലൂടെ വന്ന ഗോളിലൂടെ...ഏറെ നാളുകള്‍ക്ക് ശേഷം അര്‍ജന്റീനിയന്‍ ആരാധകരുടെ മനസ് നിറച്ച നിമിഷമായിരുന്നു അത്...പക്ഷേ ആ നിമിഷം സ്റ്റേഡിയത്തില്‍ നിന്നൊരു മലയാളി വിളിച്ചു പറഞ്ഞു...മെസിയേ ഗോളടിക്കല്ലേ...
പെനാല്‍റ്റി കിക്ക് എടുക്കാന്‍ മെസി തയ്യാറാകുന്നതിന് ഇടയിലാണ് ഗ്യാലറിയിലിരുന്നു ഒരു ആരാധകന്‍ വിളിച്ചു പറയുന്നത്...അടിക്കല്ലേ മെസിയേ, ഗോളടിക്കല്ലേ മെസിയേ...നാട്ടിലെ ചെക്കന്മാര് സൈ്വര്യം തരൂല മെസിയെ, മാവൂരിലെ ചെക്കന്മാര് സൈ്വര്യം തരൂല മെസിയേ...
ബ്രസീല്‍ ആരാധകന്റെ വാക്കുകള്‍ ഇന്റര്‍നെറ്റില്‍ വൈറലായി കഴിഞ്ഞു. ആദ്യം ഈ ആരാധകന്റെ ആഗ്രഹം നടക്കുകയാണെന്ന് തോന്നിച്ചെങ്കിലും റിബൗണ്ടില്‍ സൂപ്പര്‍ താരം ഗോളുറപ്പാക്കി. നെയ്മറില്ലാതെ ഇറങ്ങിയ ബ്രസീലിന് മികച്ച അവസരങ്ങള്‍ സൃഷ്ടിക്കാനായില്ല. ജയം അറിയാതെയുള്ള ബ്രസീലിന്റെ തുടര്‍ച്ചയായ അഞ്ചാം കളിയായിരുന്നു അത്.
തന്റെ രണ്ടാം ഗോളിനായി ബോക്‌സിനുള്ളില്‍ ഡ്രിബിള്‍ ചെയ്ത് മെസി മുന്നേറിയെങ്കിലും ലിവര്‍പൂള്‍ ഗോള്‍ കീപ്പര്‍ക്ക് മുന്‍പില്‍ അതും ഏറ്റില്ല. രണ്ടാം പകുതിയിലും ആക്രമണത്തില്‍ മുന്‍പില്‍ നിന്നത് അര്‍ജന്റീന തന്നെ. മെസിയുടെ ലോങ് റേഞ്ച് ഫ്രീകിക്ക് രണ്ടാം പകുതിയിലെത്തിയെങ്കിലും അലീസണ്‍ അവിടേയും വില്ലനായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates