ചൈന്ന ഓപ്പണ് 750ല് പി വി സിന്ധു ആദ്യ റൗണ്ടില് പുറത്തായതിന് പിന്നാലെ ഇന്ത്യയുടെ സൈന നെഹ് വാളിനും ഷോക്ക് ട്രീറ്റ്മെന്റ്. റാങ്കിങ്ങില് ഏറെ താഴെ നില്ക്കുന്ന ചൈനയുടെ കയ് യാന് യാനിനോടാണ് സൈന ആദ്യ റൗണ്ടില് തന്നെ തോല്വി വഴങ്ങിയത്. സ്കോര് 9-21,11-21.
എട്ടാം സീഡായ സൈനയെ 23 മിനിറ്റ് കൊണ്ട് യാന് തറപറ്റിച്ചു. ലോക ചാമ്പ്യന്ഷിപ്പിലെ പുറത്താവലിന് പിന്നാലെ തുടര്ച്ചയായ മൂന്നാം വട്ടമാണ് സൈന ആദ്യ റൗണ്ടില് തന്നെ വിവിധ ടൂര്ണമെന്റുകളില് നിന്നായി പുറത്താവുന്നത്. 2019 സീസണിന്റെ രണ്ടാം ഭാഗത്തില് ഫോം കണ്ടെത്താന് സൈനയ്ക്കാവുന്നില്ല.
ഈ മാസം അവസാനം ഹോങ്കോങ് ഓപ്പണിലും, കൊറിയ ഓപ്പണിലേക്കും സൈന എത്തുന്നുണ്ട്. എന്നാല് വേള്ഡ് ടൂര് ഫൈനല്സിലേക്ക് യോഗ്യത നേടാന് സൈനയ്ക്കായില്ല. ലോക ചാമ്പ്യന്ഷിപ്പ് ജയത്തിന്റെ ബലത്തിലാണ് വേള്ഡ് ടൂര് ഫൈനല്സിലേക്ക് സിന്ധുവിന് യോഗ്യത നേടാനായത്.
സൈനയ്ക്കൊപ്പം സിന്ധുവും ഫോം മങ്ങിയാണ് കളി തുടരുന്നത്. ലോക ബാഡ്മിന്റന് ചാമ്പ്യനായതിന് ശേഷം ഒരു ടൂര്ണമെന്റിലും മൂന്നാം റൗണ്ടിന് അപ്പുറം കടക്കാന് സിന്ധുവിന് സാധിച്ചിട്ടില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates