കൊല്ക്കത്ത: ഇന്ത്യന് പരിശീലകനെ തെരഞ്ഞെടുക്കുന്നതില് അഭിപ്രായം പറയാന് നായകന് വിരാട് കോഹ് ലിക്ക് എല്ലാ അവകാശവുമുണ്ടെന്ന് ഇന്ത്യന് മുന് നായകന് സൗരവ് ഗാംഗുലി. രവി ശാസ്ത്രി പരിശീലകനായി തുടരുന്നതിനെ അനുകൂലിച്ച് കോഹ് ലി പറഞ്ഞ വാക്കുകള്ക്കെതിരെ ക്രിക്കറ്റ് അഡൈ്വസറി കമ്മിറ്റി അംഗം അന്ശുമാന് ഗെയ്കവാദ് ഉള്പ്പെടെയുള്ളവര് രംഗത്തെത്തിയിരുന്നു.
എല്ലാ ഫോര്മാറ്റിലും ഇന്ത്യയെ കോഹ് ലി നയിക്കുമ്പോള് ടീമിന്റെ പരിശീലന പ്രക്രീയയില് അഭിപ്രായം പറയാന് കോഹ് ലിക്ക് അവകാശമുണ്ട്. കോഹ് ലിയാണ് ക്യാപ്റ്റന്. എല്ലാ അവകാശവുമുണ്ട് കോഹ് ലിക്ക്, വാര്ത്താ ഏജന്സിയായ പിടിഐയോട് ഗാംഗുലി പറഞ്ഞു.
2017ല് കുംബ്ലേ സ്ഥാനം ഒഴിഞ്ഞതിന് പിന്നാലെ രവി ശാസ്ത്രിയെ ഇന്ത്യന് ടീമിന്റെ പരിശീലകനായി തെരഞ്ഞെടുത്ത അഡൈ്വസറി കമ്മിറ്റിയില് ഗാംഗുലിയും അംഗമായിരുന്നു. ഗാംഗുലി, സച്ചിന്, ലക്ഷ്മണ് എന്നിവരടങ്ങിയ കമ്മിറ്റിയാണ് ശാസ്ത്രിയെ തെരഞ്ഞെടുത്തത്. ലോകകപ്പോടെ ശാസ്ത്രിയുമായുള്ള കരാര് അവസാനിച്ചെങ്കിലും വിന്ഡിസ് പര്യടനം വരെ നീട്ടുകയായിരുന്നു. മുഖ്യ പരിശീലക സ്ഥാനത്തേക്ക് അപേക്ഷ ക്ഷണിച്ചിട്ടുണ്ടെങ്കിലും ശാസ്ത്രി തന്നെ വീണ്ടും പരിശീലകനായേക്കുമെന്നാണ് വിലയിരുത്തപ്പെടുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates