മാഞ്ചസ്റ്റര്: ഇംഗ്ലണ്ടിനെതിരായ ട്വന്റി20യില് പന്തില് ഉമിനീര് പുരട്ടി പാക് പേസര് മുഹമ്മദ് അമിര്. കോവിഡിന്റെ ഭീഷണിയെ തുടര്ന്ന് പന്തില് ഉമിനീര് പുരട്ടുന്നത് ഐസിസി വിലക്കിയിരുന്നു. ഇംഗ്ലണ്ടിന്റെ വെസ്റ്റ് ഇന്ഡീസിനെതിരായ ടെസ്റ്റ് പരമ്പര മുതലാണ് വിലക്ക് പ്രാബല്യത്തില് വന്നത്.
എന്നാല് ഇംഗ്ലണ്ടിനെതിരായ ആദ്യ ട്വന്റി20യില് ബൗള് ചെയ്യാനെത്തിയപ്പോള് നിരവധി തവണ മുഹമ്മദ് അമീര് പന്തില് ഉമിനീര് പുരട്ടി. പാകിസ്ഥാനെതിരായ ടെസ്റ്റ് പരമ്പരയില് നേരത്തെ ഡോം സിബ്ലേ അബദ്ധത്തില് പന്തില് ഉമിനീര് പുരട്ടിയിരുന്നു. എന്നാല് അബദ്ധം മനസിലായ ഉടനെ താരം അമ്പയര്മാരെ സമീപിക്കുകയും, അമ്പയര്മാര് പന്ത് വൃത്തിയാക്കുകയും ചെയ്തു.
എന്നാല് മുഹമ്മദ് അമീര് പന്തില് ഉമിനീര് പുരട്ടിയതിന് ശേഷം അമ്പയര്മാരുടെ ഭാഗത്ത് നിന്നും ഇടപെടല് ഉണ്ടായില്ല. മുഹമ്മദ് അമിറിനെതിരെ നടപടി വേണമെന്ന ആവശ്യം സമൂഹമാധ്യമങ്ങളില് ശക്തമാണ്. കഴിഞ്ഞ ദിവസം ഇംഗ്ലണ്ട് പര്യടനത്തില് വിയര്പ്പും പന്തില് പുരട്ടരുത് എന്ന് ഓസീസ് ക്രിക്കറ്റ് താരങ്ങള്ക്ക് ക്രിക്കറ്റ് ഓസ്ട്രേലിയ നിര്ദേശം നല്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates