മെല്‍ബണില്‍ രണ്ടാം ദിനത്തിന്റെ തുടക്കത്തില്‍ തന്നെ അര്‍ധ ശതകം കുറിച്ച് ഇന്ത്യന്‍ നായകന്‍. 110 ബോളില്‍ നിന്ന് ആറ് ഫോറുകളുടെ അകമ്പടിയോടെയാണ് കോഹ് ലി അര്‍ധശതകം പൂര്‍ത്തിയാക്കിയത്. കോഹ് ലി-പൂജാര കൂട്ടുകെട്ട് 100 റണ്‍സ് പിന്നിടുകയും ചെയ്തു. രണ്ടാം ദിനം ഇന്ത്യന്‍ ഇന്നിങ്‌സ് നൂറ് ഓവര്‍ പിന്നിടുമ്പോള്‍ രണ്ട് വിക്കറ്റ് നഷ്ടത്തില്‍ 245 റണ്‍സ് എന്ന് സ്‌കോറിലാണ് സന്ദര്‍ശകര്‍ എത്തിനില്‍ക്കുന്നത്. 82 റണ്‍സുമായി പൂജാരയും 60 റണ്‍സുമായി കോഹ് ലിയുമാണ് ക്രീസില്‍.
ഇത് ടെസ്റ്റിലെ കോഹ് ലിയുടെ 20ാം അര്‍ധ സെഞ്ചുറിയാണ്.
84 ആണ് ഓസ്‌ട്രേലിയയില്‍ കോഹ് ലിയുടെ ബാറ്റിങ് ആവറേജ്. നാല് സെഞ്ചുറിയും ഇതില്‍ ഉള്‍പ്പെടുന്നു. മെല്‍ബണില്‍ രണ്ടാം ദിനം കോഹ് ലി സെഞ്ചുറിയിലേക്കെത്തുമെന്നാണ് ആരാധകരുടെ പ്രതീക്ഷ. മെല്‍ബണില്‍ സെഞ്ചുറി പിന്നിട്ട് തനിക്ക് കുതിക്കാന്‍ സാധിക്കുമെന്ന് പറഞ്ഞ രഹാനേയ്ക്ക് വാക്ക് പാലിക്കാന്‍ കൂടി സാധിക്കുകയും, രോഹിത്തും പന്തും അവസരത്തിനൊത്ത് ഉയരുകയും ചെയ്താല്‍ ഇന്ത്യയ്ക്ക് മികച്ച സ്‌കോര്‍ കണ്ടെത്താനാവും.
ഓസീസ് ബൗളര്‍മാരില്‍ നഥാന്‍ ലിയോണിനെ ആക്രമിച്ചു കളിക്കുന്ന സമീപനമാണ് ഇന്ത്യ ഒന്നാം ദിനം സ്വീകരിച്ചത്. ലിയോണില്‍ നിന്നാണ് ഇന്ത്യന്‍ ബാറ്റ്‌സ്മാന്‍മാര്‍ താരതമ്യേന കൂടുതല്‍ റണ്‍സ് അടിച്ചെടുത്തത്. പെര്‍ത്തിലും, അഡ്‌ലെയ്ഡിലും ലിയോണിനെ കൂടുതല്‍ പ്രതിരോധിച്ച് ഇന്ത്യന്‍ ബാറ്റ്‌സ്മാന്‍മാര്‍ കളിച്ചത് വിമര്‍ശനത്തിന് ഇടയാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates