ശിഖര്‍ ധവാന്റെ മടിയില്‍ ഇരിക്കുന്ന റിഷഭ് പന്തിന്റെ ഫോട്ടോയായിരുന്നു ആരാധകര്‍ക്കിടയിലെ സംസാര വിഷയം. ആ ഫോട്ടോയില്‍ ഇപ്പോള്‍ വിശദീകരണവുമായി എത്തുകയാണ് ധവാന്‍. ആണുങ്ങനെ എനിക്ക് അത്രയ്ക്ക് ഇഷ്ടമല്ലെന്നാണ് തമാശ നിറച്ച് ധവാന്‍ പറയുന്നത്. 

സൗത്ത് ആഫ്രിക്കയ്‌ക്കെതിരായ ട്വന്റി20 പരമ്പരയ്ക്ക് ഇടയിലായിരുന്നു സംഭവം. പന്ത് പെട്ടെന്ന് വന്ന് എന്റെ മടിയില്‍ ഇരുന്നു. ഞാന്‍ അവനോട് എഴുന്നേല്‍ക്കാന്‍ ആവശ്യപ്പെട്ടു, ആരെങ്കിലും ഫോട്ടോയെടുക്കാന്‍ സാധ്യതയുണ്ടെന്നും പറഞ്ഞു. മടിയില്‍ ഇരുത്താന്‍ മാത്രം ആണുങ്ങളെ എനിക്ക് ഇഷ്ടമല്ല. എന്നാല്‍ 21-22 വയസ് പ്രായമുള്ള താരമാണ് പന്ത്. ഞാന്‍ പറഞ്ഞത് കേള്‍ക്കാന്‍ അവന്‍ തയ്യാറായില്ല. ഞാന്‍ ഇവിടെ മാത്രമേ ഇരിക്കൂ എന്നാണ് പന്ത് പറഞ്ഞത്, ധവാന്‍ പറയുന്നു. 

ആ പ്രായത്തിലുള്ള മറ്റ് കളിക്കാരെ പോലെ ചുറുചുറുക്കുള്ള താരമാണ് പന്തും. അവന്‍ ഇരിക്കുമെന്ന് പറയുമ്പോള്‍ ഇരിക്കൂ എന്നല്ലാതെ എന്ത് പറയാനാണെന്നും ധവാന്‍ ചോദിക്കുന്നു. മോശം പ്രകടനത്തിന്റെ പേരില്‍ വിമര്‍ശനങ്ങള്‍ ഏറ്റുവാങ്ങുന്ന പന്തിനെ ധവാന്‍ പിന്തുണയ്ക്കാനും മറന്നില്ല. 

കഴിവുള്ള താരമാണ് പന്ത്. ഈ കഴിവിലൂടെ ഒരുപാട് നാള്‍ ഇന്ത്യന്‍ ടീമില്‍ നില്‍ക്കാന്‍ പന്തിനാവും. കഠിനാധ്വാനം ചെയ്യുന്ന താരമാണ് അവന്‍. മികച്ച കളി പുറത്തെടുക്കാന്‍ സാധിക്കാത്ത ചില സമയങ്ങളുണ്ടാവും. എന്നാല്‍ പന്തിനെ പോലുള്ള കളിക്കാരെ നമ്മള്‍ പിന്തുണയ്ക്കണമെന്നും ധവാന്‍ പറഞ്ഞു.