ന്യൂഡല്ഹി: ഇതിനേക്കാള് മികവില് സച്ചിന് കളിക്കാന് സാധിക്കുമായിരുന്നുവെന്ന് ഇന്ത്യന് മുന് നായകന് കപില്ദേവ്. ഇന്ത്യ കണ്ടതില് വെച്ച് ഏറ്റവും മികച്ച കളിക്കാരനാണ് സച്ചിന്. എന്നാല് സച്ചിന് ഇതിലും മികവ് കാണിക്കാന് സാധിക്കുമായിരുന്നു എന്നാണ് താന് വിശ്വസിക്കുന്നതെന്ന് കപില്ദേവ് പറഞ്ഞു.
എന്റെ വാക്കുകളെ പലതും തെറ്റിദ്ധരിക്കാന് സാധ്യതയുണ്ട്. എന്താണോ സച്ചിന് ചെയ്തത് അതിലും മികവില് സച്ചിനത് സാധിക്കുമായിരുന്നു എന്നാണ് ഞാന് പറയുന്നത്. നേട്ടങ്ങള് ഒരുപാട് സച്ചിന് സ്വന്തമാക്കി. സച്ചിനേക്കാള് മികവ് ആരും കാണിച്ചിട്ടുമില്ല. എങ്കിലും എനിക്ക് തോന്നുന്നത് സച്ചിന് ഇതിലും കഴിവുണ്ടെന്നാണ്, കപില് ദേവ് പറഞ്ഞു.
വിസ്മയിപ്പിക്കുന്ന കരിയറാണ് സച്ചിന്റേത്. 24 വര്ഷം രാജ്യത്തിന് വേണ്ടി കളിക്കുക എന്നത് പറയാന് എളുപ്പമാണ്. എന്നാല് ചെയ്യുമ്പോള് അങ്ങനെയല്ല. സച്ചിന് ഞാന് എല്ലാ സന്തോഷങ്ങളും നേരുന്നു. ഇന്ത്യക്ക് നല്കിയ എല്ലാ സന്തോഷത്തിനും പകരം ഞാന് അദ്ദേഹത്തിന് അതിലും സന്തോഷങ്ങളുണ്ടാവട്ടെ എന്ന് ആശംസിക്കുന്നു. പ്രത്യേകിച്ച് അദ്ദേഹത്തിന്റെ കുടുംബത്തിന്. കുടുംബമാണ് കൂടുതല് ത്യാഗം സഹിച്ചതെന്നും സച്ചിന് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates