സൂറിച്ച്: ഏറ്റവും പുതിയ ഫിഫ റാങ്കിങിലും ഇന്ത്യക്ക് തിരിച്ചടി. രണ്ട് സ്ഥാനങ്ങള്‍ പിന്നിലായി 104ല്‍ നിന്ന് ഇന്ത്യ 106ലേക്ക് വീണു. 

ലോകകപ്പ് യോഗ്യതാ റൗണ്ടില്‍ ബംഗ്ലാദേശിനെതിരെ സമനിലയില്‍ പിരിയേണ്ടി വന്നതാണ് ഇന്ത്യക്ക് കനത്ത പ്രഹരമായി മാറിയത്. റാങ്കിങില്‍ തുടര്‍ച്ചയായി ഇന്ത്യ പിന്നിലേക്ക് പോകുന്ന കാഴ്ചയാണിപ്പോള്‍. 

ഇന്ത്യയ്ക്ക് ആറ് പോയിന്റുകളാണ് നഷ്ടമായത്. ഇന്ത്യയെ സമനിലയില്‍ പിടിച്ച ബംഗ്ലാദേശ് മൂന്ന് സ്ഥാനങ്ങള്‍ മെച്ചപ്പെടുത്തുകയും ചെയ്തു. ഇന്ത്യയോട് കളിക്കാനിറങ്ങുമ്പോള്‍ ബംഗ്ലാദേശ് 187ാം സ്ഥാനത്തായിരുന്നു. ഇപ്പോള്‍ അവര്‍ 184ാം റാങ്കിലേക്ക് കയറി. 

ബെല്‍ജിയമാണ് റാങ്കിങില്‍ ഒന്നാം സ്ഥാനത്ത് നില്‍ക്കുന്നത്. ഫ്രാന്‍സ് രണ്ടാമതും ബ്രസീലും മൂന്നാമതും മാറ്റമില്ലാതെ തുടരുന്നു. ഒരു സ്ഥാനം മെച്ചപ്പെടുത്തി ഉറുഗ്വെ അഞ്ചാം സ്ഥാനത്തും ക്രൊയേഷ്യ ഏഴാം സ്ഥാനത്തും അര്‍ജന്റീന ഒന്‍പതാം സ്ഥാനത്തും നില്‍ക്കുന്നു.