കറാച്ചി: ക്രിസ്മസ് ആശംസ നേര്‍ന്ന് ഇന്ത്യന്‍ ആരാധകരുടെ കണ്ണില്‍ കരടായി മാറിയിരിക്കുകയാണ് പാക് മുന്‍ ക്രിക്കറ്റ് താരം ഷുഐബ് മാലിക്ക്. ക്രിസ്മസ് ആശംസ നേര്‍ന്ന ഷുഐബ് ഇന്ത്യയെ തോല്‍പ്പിച്ചതിന്റെ ഓര്‍മയും പങ്കുവയ്ക്കുകയായിരുന്നു. 

2012 ഡിസംബര്‍ 25ന് ഇന്ത്യയ്‌ക്കെതിരെ ട്വന്റി20 ജയം നേടിയതിന്റെ ചിത്രമാണ് മാലിക് ക്രിസ്മസ് ആശംസ നേര്‍ന്ന് പങ്കുവെച്ചത്. ധോനിക്കും ഇന്ത്യന്‍ ആരാധകര്‍ക്കും നേരെ മുഷ്ടി ചുരുട്ടി വിജയം ആഘോഷിക്കുന്ന ചിത്രം പങ്കുവെച്ച് ഹാപ്പി ഡിസംബര്‍ 25 എന്നും മാലിക്ക് എഴുതി. 

എന്നാല്‍, കഴിഞ്ഞ ലോകകപ്പില്‍ ഇന്ത്യയ്‌ക്കെതിരെ ഡക്കായി പുറത്തായതുള്‍പ്പെടെയുള്ള മാലിക്കിന്റെ ചിത്രങ്ങള്‍ പങ്കുവെച്ചാണ് ഇന്ത്യന്‍ ആരാധകരുടെ മറുപടി. ഇത് ആദ്യമായാണ് ഷുഐബ് മാലിക്കില്‍ നിന്നും ഇന്ത്യയെ ട്രോളിയുടെ പ്രതികരണം വരുന്നത്.