ന്യൂഡല്‍ഹി: തന്നെ ടീമില്‍ നിന്ന് ഒഴിവാക്കിയതിന്റെ കാരണം സെലക്ടര്‍മാര്‍ വ്യക്തമാക്കിയിട്ടില്ലെന്ന്‌ ഇന്ത്യന്‍ പേസര്‍ ആര്‍ പി സിങ്‌. ഒന്നുകില്‍ ക്യാപ്റ്റന് എന്നില്‍ വിശ്വാസമില്ലായിരിക്കും, അല്ലെങ്കില്‍ എന്റെ പ്രകടനം നിലവാരമില്ലാത്തതായിരിക്കും, ആര്‍ പി സിങ്‌ പറഞ്ഞു.
പ്രകടനം വെച്ച്‌ നോക്കുമ്പോള്‍ ഞാന്‍ മികവ്‌ കാണിച്ചിരുന്നു. പക്ഷേ ഏകദിനത്തിലും ടെസ്‌റ്റിലും സ്ഥാനം ഉറപ്പിക്കാന്‍ എനിക്കായില്ല. മൂന്ന്‌, നാല്‌ ഐപിഎല്‍ സീസണുകളില്‍ വിക്കറ്റ്‌ വേട്ടയില്‍ ഞാന്‍ മുന്‍പിലുണ്ടായിരുന്നു. എന്നാല്‍ ഇന്ത്യക്ക്‌ വേണ്ടി കളിക്കാന്‍ പിന്നെ എനിക്ക്‌ അവസരം ലഭിച്ചില്ല. നായകന്‌ എന്നില്‍ വിശ്വാസമില്ലാത്തത്‌ കൊണ്ടോ, എന്റെ പ്രകടനത്തിന്‌ നിലവാരമില്ലാത്തത്‌ കൊണ്ടോ ആവാം, ആര്‍ പി സിങ്‌ പറഞ്ഞു.
എന്തുകൊണ്ട്‌ എന്നെ തഴയുന്നു എന്നതില്‍ സെലക്ടര്‍മാര്‍ എനിക്ക്‌ ഉത്തരം നല്‍കിയില്ല. ഞാന്‍ ചോദിക്കുമ്പോള്‍, കഠിനാധ്വാനം തുടരൂ, നിന്റെ സമയം വരും എന്നാണ്‌ അവര്‍ പറഞ്ഞത്‌. ധോനിയുമായി എനിക്ക്‌ നല്ല അടുപ്പമായിരുന്നു. ഇന്ത്യക്ക്‌ വേണ്ടി കളിക്കുന്നതിന്‌ മുന്‍പേ ഞങ്ങള്‍ക്ക്‌ പരസ്‌പരം അറിയാം. നായകനായതോടെ ധോനിയുടെ ഗ്രാഫ്‌ കുത്തനെ ഉയര്‍ന്നു. എന്റേത്‌ താഴേക്കും. എനിക്ക്‌ ടീമില്‍ സ്ഥാനം നിലനിര്‍ത്താനാവാത്തതിനെ കുറിച്ച്‌ ധോനിയോട്‌ ചോദിച്ചപ്പോള്‍, നീ കഠിനാധ്വാനം ചെയ്യുന്നുണ്ട്‌. പക്ഷേ ഭാഗ്യമില്ലാത്തതിന്റെ ആവാം എന്നായിരുന്നു ധോനിയുടെ മറുപടിയെന്ന്‌ ആര്‍ പി സിങ്‌ പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates