സോഷ്യല്‍മീഡിയയില്‍ ധോണിയോളം  ഫാന്‍സുണ്ട് കുഞ്ഞ് സിവയ്ക്കും. സിവയുടെ പാട്ടും കളിയും വര്‍ത്തമാനവുമെല്ലാം ഇന്‍സ്റ്റയില്‍ പലപ്പോഴും വൈറലാവാറുമുണ്ട്. ധോണിയെ 'ബഗ്‌സ് ബണ്ണി'യാക്കിയതിന് പിന്നാലെ തമിഴ് പറഞ്ഞ് ഞെട്ടിക്കുകയാണ് സിവ. 

ഗ്രീറ്റിങ്‌സ് ഇന്‍ ടു ലാങ്വേജ് എന്ന പേരില്‍ ധോണി തന്നെയാണ് കുഞ്ഞന്‍ വീഡിയോ പങ്കുവച്ചിരിക്കുന്നത്. കട്ടിലില്‍ മൂടിപ്പുതച്ച് കിടക്കുന്ന ധോണിയോട് ഭോജ്പുരി ഭാഷയില്‍ എന്താണ് വിശേഷമെന്ന് ചോദിക്കുന്ന സിവ മറുപടിക്ക് പിന്നാലെ 'എപ്പടിയായിറുക്കേ' എന്നാണ് ചോദിക്കുന്നത്. 'നല്ലായിറുക്കേ' എന്ന ധോണിയുടെ മറുപടിയെത്തിയതോടെ കുഞ്ഞ് സിവ ഹാപ്പി.

 വീട്ടിലെ മലയാളി ജോലിക്കാരി പഠിപ്പിച്ച ' അമ്പലപ്പുഴേ ഉണ്ണിക്കണ്ണനോട് നീ' എന്ന പാട്ട് പാടിയാണ് സിവ മലയാളികളുടെ മനം കവര്‍ന്നത്.