പൂനെ: ഐപിഎല്ലില്‍ കന്നി സെഞ്ച്വറിയടിച്ച് മലയാളി താരം സഞ്ജു വി സാംസണ്‍. റൈസിംഗ് പൂനെ ജയന്റ്‌സിനെതിരേ പൂനെയില്‍ നടന്ന മത്സരത്തില്‍ ഡല്‍ഹിക്കു വേണ്ടിയാണ് സഞ്ജു തന്റെ ആദ്യ ഐപിഎല്‍ സെഞ്ച്വറി നേടിയതി. 62 പന്തില്‍ 102 റണ്‍സെടുത്ത താരം ടീം 166 റണ്‍സില്‍ നില്‍ക്കെ പുറത്തായി.

ഐപിഎല്ലില്‍ സെഞ്ച്വറി നേടുന്ന ആദ്യ മലയാളി താരമെന്ന പദവി ഇതോടെ ഈ വിക്കറ്റ് കീപ്പര്‍ ബാറ്റ്‌സ്മാനായി. 20 ഓവറില്‍ നാല് വിക്കറ്റ് നഷ്ടത്തില്‍ 205 റണ്‍സാണ് ഡല്‍ഹി ഡെയര്‍ ഡെവിള്‍സിന്റെ സമ്പാദ്യം. ആദിത്യ താരെ, സാം ബില്ലിംഗ്‌സ്, റിഷാബ പാണ്ഡ്, സഞ്ജു സാംസണ്‍ എന്നിവരുടെ വിക്കറ്റുകളാണ് ഡല്‍ഹിക്ക് നഷ്ടമായത്. പൂനെ നിരയില്‍ ദീപക് ഛാഹര്‍, ഇമ്രാന്‍  താഹിര്‍, ആദം സാംബ എന്നിവര്‍ ഓരോ വിക്കറ്റുകള്‍ വീഴ്ത്തി. ഒരു വിക്കറ്റ് റണ്‍ ഔട്ടാണ്.

ടോസ് നേടിയ പൂനെ ബൗളിംഗ് തെരഞ്ഞെടുക്കുകയായിരുന്നു.