കാണ്‍പൂര്‍: ഐപിഎല്‍ പത്താം സീസണില്‍ നോക്കൗട്ട് ഘട്ടത്തിലേക്ക് അവസരം ലഭിക്കാത്ത പുറത്തായവരുടെ മത്സരത്തില്‍ ഗുജറാത്ത് ലയണ്‍സിനെതിരേ ഡെല്‍ഹി ഡെയര്‍ഡെവിള്‍സിന് രണ്ട് വിക്കറ്റ് ജയം. ആധ്യം ബാറ്റ് ചെയ്ത ഗുജറാത്ത് 196 റണ്‍സെടുത്തപ്പോള്‍ മറുപടി ബാറ്റിംഗിനിറങ്ങിയ ഡെല്‍ഹി അവസാന ഓവറിലാണ് ജയം കണ്ടത്.
57 പന്തില്‍ 15 ഫോറും രണ്ട് സിക്‌സുമടക്കം 94 റണ്‍സെടുത്ത ശ്രേയസ് അയ്യരുടെ ബാറ്റിംഗ് മികവാണ് ഡെല്‍ഹിയുടെ ജയത്തില്‍ നിര്‍ണായകമായാത്. മൂന്നാം വിക്കറ്റില്‍ കരുണ്‍ നായര്‍ക്കൊപ്പം 57 റണ്‍സിന്റെ കൂട്ടുകെട്ടുണ്ടാക്കിയ ശ്രേയസ് ഏഴാം വിക്കറ്റില്‍ കമ്മിന്‍സുമായി ചേര്‍ന്ന് 61 റണ്‍സടിച്ചു. കരുണ്‍ നായര്‍ 15 പന്തില്‍ 30 റണ്‍സ് നേടിയപ്പോള്‍ കമ്മിന്‍സ് 13 പന്തില്‍ 24 റണ്‍സടിച്ചു.
ഡല്‍ഹി പോയിന്റ് പട്ടികയില്‍ ആറാമതും ഗുജറാത്ത് ഏഴാമതും ആണ്.