മ്യൂണിക്ക്: ഈ സീസണിലും ഒരു കീരിട നേട്ടവുമില്ലാതെ ഇംഗ്ലീഷ് പ്രീമിയര് ലീഗിലെ അതികായരായ മാഞ്ചസ്റ്റര് യുനൈറ്റഡ് ഒരിക്കല് കൂടി തല കുമ്പിട്ടു. യൂറോപ്പ ലീഗിന്റെ സെമിയില് മാഞ്ചസ്റ്റര് യുനൈറ്റഡ് സെവിയ്യയോട് പരാജയപ്പെട്ടു. ഒന്നിനെതിരെ രണ്ട് ഗോളുകള്ക്കാണ് പ്രീമിയര് ലീഗ് അതികായരുടെ മടക്കം. സീസണില് ഇത് മൂന്നാം സെമി ഫൈനലിലാണ് മാഞ്ചസ്റ്റര് യുണൈറ്റഡ് പരാജയപ്പെടുന്നത്.
മാഞ്ചസ്റ്റര് യുനൈറ്റഡ് കിട്ടിയ അവസരങ്ങള് മുതലെടുക്കാന് കഴിയാതെ ഇരുട്ടില് തപ്പിയപ്പോള് സ്പാനിഷ് ടീം കിട്ടിയ അവസരങ്ങള് കൃത്യമായി മുതലെടുത്താണ് ഫൈനലിലേക്ക് മാര്ച്ച് ചെയ്തു. ഇന്ന് നടക്കുന്ന ഇന്റര് മിലാന് ഷാക്തര് ഡൊനറ്റ്സ്ക് പോരാട്ടത്തിലെ വിജയികളെ സെവിയ്യ ഫൈനലില് നേരിടും.
മത്സരം തുടങ്ങി ഒന്പതാം മിനുട്ടില് തന്നെ മാഞ്ചസ്റ്റര് യുനൈറ്റഡ് മുന്നില് എത്തി. ഒരു പെനാല്റ്റി ലക്ഷ്യത്തില് എത്തിച്ച് ആണ് മാഞ്ചെസ്റ്റര് ലീഡ് എടുത്തത്. ബ്രൂണൊ ഫെര്ണാണ്ടസാണ് ഗോള് നേടിയത്. ഒരു ഗോള് വഴങ്ങിയതോടെ സെവിയ്യ തുടരെ അറ്റാക്കുകള് നടത്തി. അതിന്റെ ഫലം 26ാം മിനുട്ടില് അവര് നേടുകയും ചെയ്തു. റിഗുലിയന്റെ ക്രോസില് നിന്ന് ഒരു ഇടം കാലന് ഫിനിഷിലൂടെ സുസോ ആണ് സമനില ഗോള് നേടിയത്.
സമനിലയ്ക്ക് ശേഷം മാഞ്ചസ്റ്റര് യുനൈറ്റഡും ആക്രമണം കടുപ്പിച്ചു. തുടര് ആക്രമണങ്ങള് നടത്തി എങ്കിലും അവസരങ്ങള് ഒന്ന് പോലും മുതലെടുക്കാന് യുനൈറ്റഡിനായില്ല. ഒപ്പം സെവിയ്യ ഗോള് കീപ്പര് ബോണോയും യുനൈറ്റഡിന് വില്ലനായി. അറ്റാക്ക് ചെയ്തത് ഒക്കെ യുനൈറ്റഡ് ആണെങ്കിലും അവസരം മുതലെടുത്ത് ലീഡ് എടുത്തത് സെവിയ്യ ആയിരുന്നു. 78ാം മിനുട്ടില് ഡിയോങ്ങിലൂടെ ആയിരുന്നു സെവിയ്യ ലീഡ് എടുത്തത്. ആ ഗോള് സെവിയ്യയുടെ വിജയ ഗോളായി മാറി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates