കളിക്കളത്തില്‍ ഗെയില്‍ ഇറങ്ങിയാല്‍ ഞങ്ങള്‍ പൂട്ടിടും. ഗെയ്‌ലിനെ തളയ്ക്കാനുള്ള വഴികള്‍ ഞങ്ങളുടെ പക്കലുണ്ടെന്നാണ് കിങ്‌സ് ഇലവന്‍ പഞ്ചാബിനെതിരായ മത്സരത്തിന് മുന്‍പായി റോയല്‍ ചലഞ്ചേഴ്‌സ് ബാംഗ്ലൂരിന്റെ മുഖ്യ പരിശീലകന്‍ ഡാനിയല്‍ വെറ്റോറി പറയുന്നത്.
ഗെയ്‌ലിലിന്റെ താണ്ഡവമാടലിന് തടയിടാന്‍ ആയുധങ്ങള്‍ ഞങ്ങളുടെ കൈവശമുണ്ട്. കാരണം ഞങ്ങള്‍ക്കൊപ്പമായിരുന്നു ഗെയില്‍ ഇതുവരെ. അദ്ദേഹത്തിന്റെ ശക്തി എന്തെന്ന് നന്നായി അറിയാം. എതിരാളിയായി ഗെയില്‍ മുന്നിലെത്തുമ്പോള്‍ ഞങ്ങളെ അത് ബുദ്ധിമുട്ടിക്കുന്നില്ലെന്നും വെട്ടോറി പറയുന്നു.
സീസണിലെ പഞ്ചാബിന്റെ ആദ്യ മത്സരത്തില്‍ ഗെയില്‍ പ്ലേയിങ് ഇലവനില്‍ ഇടം പിടിച്ചിരുന്നില്ല. ഗെയിലിന്റെ അഭാവത്തിലും ടീം അനായാസ ജയം പിടിക്കുകയും ചെയ്തു. എന്നാല്‍ കളിക്കാനിറങ്ങാന്‍ അവസരം ലഭിച്ചാല്‍ താന്‍ തകര്‍ത്തു കളിക്കുമെന്ന മുന്നറിയിപ്പാണ് ഗെയില്‍ ആരാധകര്‍ക്ക് നല്‍കുന്നത്.
നെറ്റ്‌സില്‍ മികച്ച രീതിയില്‍ ബാറ്റേന്താന്‍ സാധിക്കുന്നു. എല്ലായ്‌പ്പോഴും ഞാന്‍ സിക്‌സുകളും സെഞ്ചുറിയും അടിക്കണം എന്നാണ് ആരാധകരുടെ ആഗ്രഹം. അവസരം ലഭിക്കട്ടെ, ഞാന്‍ മികച്ച കളി തന്നെ പുറത്തെടുക്കുമെന്ന് ഗെയില്‍ പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates