നൂറ് ഓവറില് പിറന്നത് 642 റണ്സ്. ആവേശം നിറച്ച് അവസാന ബോളില് വിന്ഡിസ് ടൈ പിടിച്ചു. എങ്കിലും ഇന്ത്യയ്ക്ക് ആശ്വാസം തന്നെ, പരമ്പരയില് 1-0 എന്ന ലീഡ് ഇന്ത്യ നിലനിര്ത്തി. ടൈ കൊണ്ട് ഇന്ത്യ രക്ഷപെട്ടപ്പോള് സമ്മാനദാന ചടങ്ങിന് ഇടയില് അവതാരക വേഷത്തിലെത്തിയ ഇന്ത്യയുടെ മുന് സ്പിന്നര് മുരളി കാര്ത്തിക് പെട്ടു.
കോഹ് ലിയുടെ മാസ്റ്റര് ക്ലാസ് ഇന്നിങ്സിലും പതിനായിരം റണ്സ് നേട്ടത്തിനും പിന്നാലെ ഹെറ്റ്മെയറിന്റെ വെടിക്കെട്ടും, ഹോപ്പിന്റെ ചെറുത്തു നില്പ്പുമായിരുന്നു ക്രിക്കറ്റ് ലോകം കണ്ടത്. പക്ഷേ കാര്ത്തിക്കിന് ഹോപ്പിനേയും ഹെറ്റ്മെയറേയും തമ്മില് മാറി പോയി. സമ്മാനദാനയ ചടങ്ങിനിടെ, വിന്ഡിസ് ടോപ് സ്കോറര് ഹോപ്പിനെ ഇന്റര്വ്യൂ ചെയ്യുന്നതിന് ഇടയില് ഹോപ്പിനെ ഹെറ്റ്മെയര് എന്നായിരുന്നു കാര്ത്തിക് വിളിച്ചത്.
മുരളിന കാര്ത്തിക്കിന്റെ ഈ അബദ്ധം അങ്ങിനെ വെറുതെ വിടാന് സമൂഹമാധ്യമങ്ങള് തയ്യാറായില്ല. ഹോപ്പിനെ കാര്ത്തിക് ഹെറ്റ്മെയര് എന്ന് വിളിച്ചപ്പോള് ക്യാമറാമാന് വേണ്ടി വന്നു കാര്ത്തിക്കിനെ തിരുത്താന് എന്നാണ് ആരാധകര് പറയുന്നത്. ഇനി ഒരിക്കലും ഹോപ്പിന്റെ മുഖം കാര്ത്തിക് മറക്കാന് ഇടയില്ലെന്നും കാര്ത്തിക്കിനെ കളിയാക്കി ആരാധകര് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates