ടൂറിന്‍: സിരി എ സീസണിലെ യുവന്റ്‌സിന്റെ അവസാന കളിയില്‍ ക്രിസ്റ്റിയാനോ റൊണാള്‍ഡോ കളിച്ചേക്കില്ല. ക്രിസ്റ്റിയാനോയ്ക്ക് വിശ്രമം അനുവദിച്ചേക്കുമെന്ന് പരിശീലകന്‍ സറി പറഞ്ഞു. സിരി എ ചാമ്പ്യന്‍പട്ടം ഉറപ്പിച്ച് യുവന്റ്‌സ് ഔദ്യോഗികമായി കിരീടം ഉയര്‍ത്തുന്ന മത്സരമാവും അത്.
ഓഗസ്റ്റ് രണ്ടിന് റോമക്കെതിരെയാണ് ഇറ്റാലിയന്‍ ലീഗിലെ യുവന്റ്‌സിന്റെ അവസാന മത്സരം. പിന്നാലെ ഒരാഴ്ചത്തെ ഇടവേളയില്‍ ചാമ്പ്യന്‍സ് ലീഗിലെ അവസാന 16നെ രണ്ടാം പാദ മത്സരത്തില്‍ ലിയോണിനെ നേരിടാന്‍ യുവന്റ്‌സ് ഇറങ്ങും. ഇത് മുന്‍പില്‍ കണ്ടാണ് ക്രിസ്റ്റ്യാനോയ്ക്ക് വിശ്രമം നല്‍കാന്‍ ടീം ഒരുങ്ങുന്നത്.
കോവിഡിനെ തുടര്‍ന്നുള്ള ഇടവേളക്ക് ശേഷം തിരിച്ചെത്തിയത് മുതല്‍ യുവന്റ്‌സിന്റെ എല്ലാ മത്സരങ്ങളും ക്രിസ്റ്റ്യാനോ കളിച്ചിരുന്നു. സീരി എയില്‍ സീസണിലെ ടോപ് സ്‌കോററാവാനുള്ള ക്രിസ്റ്റിയാനോയുടെ മോഹങ്ങള്‍ ഏതാണ്ട് അസ്തമിച്ചു കഴിഞ്ഞു.
35 ഗോളുകളുമായി സിര്‍കോ ഇമ്മൊബൈലാണ് ഒന്നാമത്. ക്രിസ്റ്റിയാനോ ഗോള്‍ വല കുലുക്കിയത് 31 തവണ. സിരി എ സീസണിലെ അവസാന മത്സരത്തില്‍ ഈ ലക്ഷ്യവുമായി ക്രിസ്റ്റിയാനോ ഇറങ്ങാനുള്ള സാധ്യതകള്‍ വിരളമാണ്. ക്രിസ്റ്റിയാനോ അവസ്ഥ എന്താണെന്ന് വ്യക്തമായതിന് ശേഷമാവും അവസാന മത്സരത്തില്‍ സൂപ്പര്‍ താരത്തെ കളിപ്പിക്കുന്നത് സംബന്ധിച്ച് തീരുമാനമാവുക എന്നും യുവന്റ്‌സ് പരിശീലകന്‍ വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates