ബെംഗളൂരു: ഉസ്‌ബെക്കിസ്ഥാനെതിരേ രോഹണ്‍ ഭോപ്പണ്ണ-ശ്രീരാം ബാലാജി സഖ്യവും ജയമുറപ്പിച്ചതോടെ ഡേവിസ് കപ്പ് ഏഷ്യ-ഓഷ്യാനിയ ഗ്രൂപ്പ് ഒന്നില്‍ ഇന്ത്യ ലോക ഗ്രൂപ്പ് പ്ലേ ഓഫ് ഘട്ടത്തിലേക്ക് യോഗ്യത നേടി.
ഉസ്‌ബെക്കിസ്താനെ 3-0നാണ് ഇന്ത്യ പരാജയപ്പെടുത്തിയത്. ദുസ്‌തോവ്‌സഞ്ജര്‍ -ഫൈസിയേവ് ജോഡിയെ  6-2, 6-4, 6-1 എന്ന സ്‌കോറിന് ഭോപ്പണ്ണ-ബാലാജി സഖ്യം പരാജയപ്പെടുത്തിയാണ് ടീമിന്റെ വിജയം ഉറപ്പിച്ചത്.

സെപ്റ്റംബറില്‍ നടക്കുന്ന ലോക പ്ലേ ഓഫ് റൗണ്ടില്‍ ഇന്ത്യയുടെ എതിരാളി ആരാണെന്ന് തീരുമാനമായിട്ടില്ല.
വെള്ളിയാഴ്ച നടന്ന സിംഗിള്‍സ് മത്സരങ്ങള്‍ രണ്ടും ജയിച്ച് രാംകുമാര്‍ രാമനാഥനും പ്രജ്ഞേഷ് ഗുണേശ്വരനും ഇന്ത്യക്ക് 2-0 ലീഡ് നേടിക്കൊടുത്തിരുന്നു.