റാ​ഞ്ചി: ഓ​സ്ട്രേ​ലി​യ​യ്ക്കെ​തി​രാ​യ അഞ്ച് ഏകദിനങ്ങളുടെ പ​ര​മ്പ​ര​യി​ലെ ശേ​ഷി​ക്കു​ന്ന ര​ണ്ട് മ​ത്സ​ര​ങ്ങ​ളി​ൽ മ​ഹേ​ന്ദ്ര സിം​ഗ് ധോ​ണി ക​ളി​ക്കി​ല്ല. അവസാന രണ്ട് ഏകദിനങ്ങളിൽ ധോ​ണി​ക്ക് വി​ശ്ര​മം അ​നു​വ​ദി​ച്ചെ​ന്ന് ​ഇന്ത്യയുടെ ബാ​റ്റിം​ഗ് കോ​ച്ച് സ​ഞ്ജ​യ് ബാം​ഗ​ർ അ​റി​യിച്ചു. 

ധോണിയുടെ ജന്മനാടായ റാഞ്ചിയിൽ നടന്നാം മൂന്നാം ഏകദിനത്തിൽ ഓസിസിനോട് 32റൺസിന് പരാജയപ്പെട്ടതിന് പിന്നാലെയാണ് വരുന്ന മത്സരങ്ങളിലെ മാറ്റം സംബന്ധിച്ച് വിവരങ്ങൾ പുറത്തുവരുന്നത്. ലോകകപ്പിന് മുന്നോടിയായി യുവ കളിക്കാർക്ക് കൂടുതൽ അവസരങ്ങൾ നൽകാനുള്ള തീരുമാനമാണ് മാറ്റത്തിന് പിന്നിലെന്നാണ് റിപ്പോർട്ടുകൾ. 

ഓ​സീ​സി​നെ​തി​രാ​യ പ​ര​മ്പ​ര​യി​ലെ ആ​ദ്യ മ​ത്സ​ര​ത്തി​ൽ മാ​ത്ര​മാ​ണ് ധോ​ണി​യ്ക്ക് ഭേ​ദ​പ്പെ​ട്ട സ്കോ​ർ ക​ണ്ടെ​ത്താ​നാ​യ​ത്. വെ​ള്ളി​യാ​ഴ്ച ന​ട​ന്ന മൂ​ന്നാം ഏ​ക​ദി​ന​ത്തി​ലാ​കെ​ട്ടെ 42പന്തുകളിൽ നിന്നാണ് ധോണി 26റൺസ് അടിച്ചത്.