ഹൈദരാബാദ്‌: വെസ്റ്റ് ഇന്‍ഡീസിനെതിരായ പരമ്പര യുവതാരം റിഷഭ് പന്തിന് നിര്‍ണായകമാണ്. പരാജയപ്പെട്ടാല്‍ ടീം മാനേജ്‌മെന്റില്‍ നിന്നും സെലക്ടര്‍മാരില്‍ നിന്നുമുള്ള പിന്തുണ കുറയും. സഞ്ജു ഉള്‍പ്പെടെയുള്ള താരങ്ങളിലേക്ക് ശ്രദ്ധ കൊടുക്കാന്‍ ടീം നിര്‍ബന്ധിതരാവും. കാര്യങ്ങള്‍ ഇങ്ങനെയൊക്കെയാണെങ്കിലും ധോനിയുടെ ഒരു റെക്കോര്‍ഡ് മറികടക്കാന്‍ ഒരുങ്ങുകയാണ് പന്ത് ഇപ്പോള്‍.
വെസ്റ്റ് ഇന്‍ഡീസിനെതിരെ ഏറ്റവും കൂടുതല്‍ പുറത്താക്കലുകള്‍ നടത്തിയ വിക്കറ്റ് കീപ്പര്‍ എന്ന ധോനിയുടെ നേട്ടത്തെ മറികടക്കാന്‍ ഒരുങ്ങുകയാണ് പന്ത്. വെസ്റ്റ് ഇന്‍ഡീസിനെതിരെ അഞ്ച് പുറത്താക്കലുകളാണ് ധോനിയുടെ പേരിലുള്ളത്. ഇന്ത്യ-വിന്‍ഡിസ് മത്സരങ്ങളില്‍ ധോനിയേക്കാള്‍ കൂടുതല്‍ പുറത്താക്കലുകള്‍ നടത്തിയ വേറെ വിക്കറ്റ് കീപ്പര്‍ ഇരു ഭാഗത്തുമില്ല.
മൂന്ന് ക്യാച്ചിലൂടേയും, രണ്ട് സ്റ്റംപിങ്ങിലൂടെയുമാണ് ധോനിയുടെ അഞ്ച് പുറത്താക്കലുകള്‍ വരുന്നത്. പന്താവട്ടെ മൂന്ന് പുറത്താക്കലുകള്‍ വിന്‍ഡിസിനെതിരെ നടത്തി കഴിഞ്ഞു. ഇന്ത്യ-വിന്‍ഡിസ് പരമ്പരയിലെ വിക്കറ്റ് കീപ്പര്‍മാരുടെ കണക്ക് ഇങ്ങനെ...
ധോനി -ഏഴ് മത്സരങ്ങള്‍, അഞ്ച് പുറത്താക്കലുകള്‍(3 ക്യാച്ചും, രണ്ട് സ്റ്റംപിങ്ങും)
ദിനേശ് റാംഡിന്‍-ഏഴ് മത്സരങ്ങള്‍ അഞ്ച് പുറത്താക്കലുകള്‍(5 ക്യാച്ച്)
ആന്ദ്രെ ഫ്‌ലെച്ചര്‍-നാല് മത്സരങ്ങള്‍, മൂന്ന് പുറത്താക്കലുകള്‍(മൂന്ന് ക്യാച്ചുകള്‍)
ദിനേശ് കാര്‍ത്തിക്- നാല് മത്സരങ്ങള്‍, മൂന്ന് പുറത്താക്കലുകള്‍(മൂന്ന് ക്യാച്ച്)
റിഷഭ് പന്ത്- ഏഴ് മത്സരങ്ങള്‍, മൂന്ന് പുറത്താക്കലുകള്‍(മൂന്ന് ക്യാച്ചുകള്‍)
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates