ലാഹോര്‍: 2017 ചാമ്പ്യന്‍സ് ട്രോഫി ഫൈനലില്‍ പാകിസ്ഥാനോട് തോറ്റതിന് പിന്നാലെ പാക് കളിക്കാരുമായി തമാശ പങ്കിടുന്ന ഇന്ത്യന്‍ താരങ്ങളുടെ ചിത്രത്തിന് സമ്മിശ്ര പ്രതികരണങ്ങളാണ് വന്നത്. വിമര്‍ശനങ്ങളും, കയ്യടികളും ഈ ഫോട്ടോയ്ക്ക് ലഭിച്ചു. ഇരു ടീം അംഗങ്ങള്‍ക്കും ഇടയിലുള്ള സൗഹൃദം എത്രമാത്രമെന്ന് വ്യക്തമാക്കുന്ന വാക്കുകളുമായാണ് പാക് താരം ഷുഐബ് മാലിക് ഇപ്പോള്‍ എത്തുന്നത്. 

ഫൈനലില് ശേഷം ഓവലിലെ ഡൈനിങ് ഹാളില്‍ ഇരുന്ന് ഞാനും യുവരാജ് സിങ്ങും തമ്മില്‍ സംസാരിച്ചു. നിന്റെ സഹതാരങ്ങള്‍ ആഘോഷിക്കുകയാണ്. ഈ നിമിഷം പാഴാക്കി കളയരുത്. അവര്‍ക്കൊപ്പം നീയും ആഘോഷിക്കണം എന്ന് യുവി എന്നോട് പറഞ്ഞു...

എവിടെ നിന്ന് വരുന്നവരാണ് നമ്മള്‍ എങ്കിലും നമുക്കിടയില്‍ സൗഹൃദം സൃഷ്ടിക്കാന്‍ ക്രിക്കറ്റിനാവും. അതിന് തെളിവാണ് ഞാനും യുവിയുമായുള്ള സംസാരം. ഇന്ത്യ-പാക് പോര് കാണാന്‍ ആരാധകര്‍ക്ക് ആഗ്രഹമുണ്ട്. ക്രിക്കറ്റ് ലോകത്തിന് ആഷസ് എങ്ങനെയാണോ അതുപോലെയാണ് ഇന്ത്യ-പാക് മത്സരവും. അതില്‍ നിന്ന് നമ്മള്‍ വിട്ടുനില്‍ക്കുന്നത് ശരിയല്ലെന്നും മാലിക് പറഞ്ഞു.