തിരുവനന്തപുരം: പഞ്ചാബിനെതിരായ രഞ്ജി ട്രോഫി പോരാട്ടത്തില് കേരളത്തിന് നേരിയ ലീഡ്. ഒന്നാം ഇന്നിങ്സില് 227 റണ്സിന് പുറത്തായ കേരളം മികച്ച ബൗളിങിലൂടെ പഞ്ചാബിനെ 218 റണ്സില് ഒതുക്കി ഒന്പത് റണ്സിന്റെ ലീഡാണ് സ്വന്തമാക്കിയത്.
ഏഴ് വിക്കറ്റുകള് വീഴ്ത്തിയ പേസര് എംഡി നിധീഷിന്റെ മാരക ബൗളിങാണ് പഞ്ചാബിനെ കുഴക്കിയത്. ജലജ് സക്സേന, സിജോമോന് ജേസഫ് എന്നിവര് ഓരോ വിക്കറ്റും വീഴ്ത്തി. പഞ്ചാബ് താരം സിദ്ധാര്ഥ് കൗളിനെ സിജോമോന് ജോസഫ് റണ്ണൗട്ടാക്കി.
പഞ്ചാബ് ക്യാപ്റ്റന് മന്ദീപ് സിങാണ് അവരുടെ ടോപ് സ്കോറര്. നായകന് 71 റണ്സെടുത്തു. ഗുര്കീരത് സിങ് (37), സിദ്ധാര്ഥ് കൗള് (25) എന്നിവരും പിടിച്ചു നിന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates