സൗത്ത് ആഫ്രിക്കയ്ക്കെതിരായ ട്വന്റി20 പരമ്പരയ്ക്കായുള്ള യാത്രയ്ക്കിടയിലെ സെല്ഫി ആരാധകരുമായി പങ്കുവെക്കുകയാണ് ഇന്ത്യന് ഓള് റൗണ്ടര് ഹര്ദിക് പാണ്ഡ്യ. പക്ഷേ ആരാധകര്ക്ക് ഹര്ദിക്കിനെ ട്രോളാനുള്ള വക ആ സെല്ഫിയില് തന്നെയുണ്ടായി...സെല്ഫിയിലെന്ന് പറഞ്ഞാല് ഹര്ദിക്കിന്റെ ജേഴ്സിയില്...
ബൈജൂസ് ലേണിങ് ആപ്പ് സ്പോണ്സര് ചെയ്യുന്ന ഇന്ത്യന് ടീമിന്റെ ലോഗോയുള്ള ജാക്കറ്റാണ് ഹര്ദിക് ധരിച്ചിരുന്നത്. പത്താം ക്ലാസ് പാസായിട്ടില്ലാത്ത താരത്തെ ലേണിങ് ആപ്പിന്റെ അംബാസിഡറാക്കുന്നതിലെ വിരോധാഭാസമാണ് ആരാധകര് ചൂണ്ടിക്കാണിക്കുന്നത്.
ബൈജൂസ് ലേണിങ് ആപ്പായിരിക്കും ഇന്ത്യന് ടീമിന്റെ ജേഴ്സി സ്പോണ്സര്മാരെന്ന് ജൂലൈയില് പ്രഖ്യാപിച്ചിരുന്നു. സൗത്ത് ആഫ്രിക്കയ്ക്കെതിരായ പരമ്പര മുതലാണ് പുതിയ സ്പോണ്സര് ലോഗോയില് ഇന്ത്യ ഇറങ്ങുക. കളിയിലേക്ക് എത്തുമ്പോള് സൗത്ത് ആഫ്രിക്കയ്ക്കെതിരായ മൂന്ന് ട്വന്റി20യുടെ പരമ്പരയില് ഹര്ദിക്കും, ക്രുനാലും ഇടംപിടിച്ചിട്ടുണ്ട്. എന്നാല് ടെസ്റ്റ് ടീമിലേക്ക് തിരികെ എത്താന് ഹര്ദിക്കിന് സാധിച്ചില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates