ലിവര്‍പൂളിന്റെ ബ്രസീലിയന്‍ മിഡ്ഫീല്‍ഡര്‍ ഫിലിപ്പ് കുട്ടീഞ്ഞോ സ്പാനിഷ് വമ്പന്‍മാരായ ബാഴ്‌സലോണയിലേക്ക് കൂടുമാറിയ വാര്‍ത്ത ലിവര്‍പൂള്‍ ആരാധകരെ ഞെട്ടിച്ചിരുന്നു. എന്നാല്‍ കാറ്റാലന്‍ ക്ലബ് ലോകത്തിന് മുന്നില്‍ ലിറ്റില്‍ മജീഷ്യനെ പരിചയപ്പെടുത്തുന്നത് കണ്ട് ഞെട്ടിയത് മലയാളികളാണ്. കുട്ടീഞ്ഞോ ബാഴ്‌സലോണ കോച്ച് ഏണസ്‌റ്റോ വല്‍വെര്‍ദെയും ഒന്നിച്ചുള്ള വീഡിയോയാണ് മലയാളികളെ ഞെട്ടിച്ചത്.
39 സെക്കന്റുള്ള വീഡിയോയില്‍ പത്ത് സെക്കന്റോളം പശ്ചാത്തലത്തില്‍ കേള്‍ക്കുന്ന ഈരടികള്‍ സ്വാമിയേ അയ്യപ്പ, അയ്യപ്പ സ്വാമിയെ എന്ന മലയാളം ഭക്തിഗാനത്തിന്റേതാണ്. ബാഴ്‌സയുടെ ഔദ്യോഗിക ട്വിറ്റര്‍ അക്കൗണ്ടിലൂടെയാണ് ഈ വീഡിയോ പുറത്തുവിട്ടത്. ഏണസ്‌റ്റോ വല്‍വെര്‍ദെയ്‌ക്കൊപ്പം കുട്ടീഞ്ഞോ ഫോട്ടോഷൂട്ട് നടത്തുന്നതും ഇതിനുശേഷം കാറില്‍ മടങ്ങുന്നതുമാണ് വീഡിയോയിലെ ദൃശ്യങ്ങള്‍.
വീഡിയോയുടെ അവസാനഭാഗത്ത് ബാഴ്‌സയുടെ ലോഗോ കാണിക്കൂമ്പോഴും മലയാള ഈരടികള്‍ കേള്‍ക്കാന്‍ കഴിയുന്നുണ്ട്. വീഡിയോയില്‍ അയ്യപ്പ ഭക്തിഗാനം എങ്ങനെ ഇടംപിടിച്ചെന്ന് ഇതുവരെ വ്യക്തമായിട്ടില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates