മുംബൈ : ഐപിഎല്‍ പൂരം കഴിഞ്ഞതോടെ ക്രിക്കറ്റ് ലോകം മറ്റൊരു പൂരത്തിന്റെ കൊടിയേറ്റത്തിനുള്ള കാത്തിരിപ്പിലാണ്. ഏകദിനത്തിലെ ലോകരാജാക്കന്മാരെ കണ്ടെത്താനുള്ള ലോകകപ്പ് പൂരം. അതിനുള്ള തയ്യാറെടുപ്പുകളിലാണ് ടീമുകളെല്ലാം. ഈ മാസം 30 മുതല്‍ ഇംഗ്ലണ്ടിലും വെയില്‍സിലുമായാണ് ലോകകപ്പ് മല്‍സരങ്ങള്‍ നടക്കുക.

അതിനിടെ ഐപിഎല്ലില്‍ നാലാംവട്ടവും ചാമ്പ്യന്മാരായ മുംബൈ ഇന്ത്യന്‍സിന്റെ നായകനും, ഇന്ത്യന്‍ ടീമിന്റെ ഉപനായകനുമായ രോഹിത് ശര്‍മ്മ കുടുംബത്തോടൊപ്പം ഇടവേളയില്‍ ഉല്ലാസയാത്രയിലാണ്. മാള്‍ഡീവ്‌സിലാണ് രോഹിതും കുടംബവും അവധിക്കാലം ആസ്വദിക്കുന്നത്. 

ഭാര്യ റിതിക, മകള്‍ സമരിയ എന്നിവര്‍ക്കൊപ്പമാണ് രോഹിതിന്റെ അവധിക്കാല ആഘോഷം. ഉല്ലാസത്തിന്റെ ചിത്രങ്ങള്‍ താരം നവമാധ്യമങ്ങളിലൂടെ പുറത്തുവിട്ടു. പാര്‍ട്ട്ണര്‍ ഇന്‍ ക്രൈം ഫോര്‍ ലൈഫ് എന്നാണ് ചിത്രത്തിന് രോഹിത് നല്‍കിയ അടിക്കുറിപ്പ്.