15 വര്ഷത്തിലെ ഏറ്റവും മികച്ച ഇന്ത്യന് ടീമാണ് ഇതെന്നായിരുന്നു കോച്ച് രവി ശാസ്ത്രി ഇംഗ്ലണ്ട് പരമ്പരയ്ക്കിടെ പറഞ്ഞത്. വിദേശത്ത് മികച്ച പ്രകടനം കാഴ്ചവയ്ക്കുന്ന ടീമില് മറ്റ് ടീമുകള്ക്കെല്ലാം മുന്നിലാണ് കോഹ് ലിയും സംഘവും എന്നും ശാസ്ത്രി പറഞ്ഞിരുന്നു. എന്നാല് ശാസ്ത്രിയുടെ വാദങ്ങള് തെറ്റാണെന്ന് തെളിയിക്കുന്ന റെക്കോര്ഡാണ് ഇന്ത്യന് ടീം പെര്ത്തിലെ തോല്വിയോടെ നേടിയത്.
ഈ വര്ഷം ഇന്ത്യന് ക്രിക്കറ്റ് ടീം വിദേശ മണ്ണില് നേരിടുന്ന ഏഴാം തോല്വിയാണ് പെര്ത്തിലേത്. ഒരു വര്ഷം ഇന്ത്യ ഇത്രയും ടെസ്റ്റ് തോറ്റിരിക്കുന്നത് ഇത് ആദ്യം. 2014ല് ധോനി നായകനായിരിക്കെ ആറ് ടെസ്റ്റുകള് തോറ്റതായിരുന്നു ഇതുവരെയുള്ള റെക്കോര്ഡ്. ഓര്ക്കാന് ഇഷ്ടപ്പെടാത്ത റെക്കോര്ഡ് പെര്ത്തിലെ തോല്വിയോടെ കോഹ് ലിയുടെ പേരിലും വരുന്നുണ്ട്.
നാലാം ഇന്നിങ്സില് ചെയ്സ് ചെയ്യവെ കോഹ് ലിക്ക് കീഴില് ഇന്ത്യ നേടുന്ന ഒന്പതാമത്തെ തോല്വിയാണ് ഓസ്ട്രേലിയയ്ക്കെതിരായ രണ്ടാം ടെസ്റ്റിലേത്. ഈ റെക്കോര്ഡില് ഇന്ത്യന് മുന് നായകന് എംഎകെ പട്ടൗഡിക്കൊപ്പമാണ് കോഹ് ലി എത്തിയിരിക്കുന്നത്. അഡ്ലെയ്ഡില് പോസിറ്റീവ് റെക്കോര്ഡുകള് തീര്ത്താണ് ഇന്ത്യ കളി നിര്ത്തിയത് എങ്കില് പെര്ത്തില് ഇന്ത്യയ്ക്ക് കൈവിട്ടുപോയി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates