ഇതുവരെ താന്‍ കളിക്കളത്തില്‍ നേരിട്ടവരില്‍ വെച്ച് ഏറ്റവും മികച്ച താരം റയല്‍ മാഡ്രിഡിന്റെ സെര്‍ജിയോ റാമോസാണെന്ന് നെയ്മര്‍. ഏറ്റവും മികച്ച സെന്‍ട്രല്‍ ഡിഫന്ററാണ് റാമോസ്. ഗോളും നേടുന്നു, റാമോസിനെ പുകഴ്ത്തി നെയ്മര്‍ പറഞ്ഞു. 

റാമോസിനെ നേരിടുക വലിയ ബുദ്ധിമുട്ടാണ്. വിന്‍ഷ്യസ് ജൂനിയറിന് ഏറ്റവും മികച്ച കളിക്കാരുടെ നിരയിലേക്ക് ഉയര്‍ന്നെത്താന്‍ സാധിക്കുമെന്നും അഭിപ്രായപ്പെട്ടു. ബാലന്‍ ദി ഓറിന് വേണ്ടി വിന്‍ഷ്യസ് മത്സരം കാഴ്ചവയ്ക്കും. അവന്‍ ആഗ്രഹിക്കുന്ന എല്ലാം അവന് ലഭിക്കുമെന്നാണ് ഞാന്‍ പ്രതീക്ഷിക്കുന്നത്. ഒരുപാട് ഉയരം അവന് എത്താന്‍ സാധിക്കണം, അവനത് അര്‍ഹിക്കുന്നുണ്ടെന്നും നെയ്മര്‍ പറഞ്ഞു. 

ലോകത്തിലെ ഏറ്റവും മികച്ച താരം ലയണല്‍ മെസിയാണെന്നും നെയ്മര്‍ പറയുന്നു. മെസിക്കൊപ്പം കളിക്കാന്‍ സാധിച്ചത് ഭാഗ്യമാണ്. ഞാന്‍ കണ്ടതില്‍ വെച്ച് ഏറ്റവും മികച്ച താരം മെസിയാണ്. എല്ലാത്തിലും ഉപരി മെസി എന്റെ സുഹൃത്താണെന്നും നെയ്മര്‍ പറയുന്നു.