ചാംപ്യന്‍സ് ലീഗ് സെമി ഫൈനലിനുള്ള ലൈനപ്പ് ആയപ്പോള്‍ മാഡ്രിഡ് ഡെര്‍ബിക്ക് വീണ്ടും വഴിയൊരുങ്ങുന്നു. സ്പാനിഷ് ക്ലബ്ബുകളായ അത്‌ലറ്റിക്കോ മാഡ്രിഡിും റിയല്‍ മാഡ്രിഡുമാണ് ചാംപ്യന്‍സ് ലീഗ് ആദ്യ സെമി. ഫ്രഞ്ച് ക്ലബ്ബ് മൊണോക്കോയും ഇറ്റാലിയന്‍ ക്ലബ്ബ് യുവന്റസും തമ്മിലാണ് രണ്ടാം സെമി.

കഴിഞ്ഞ മൂന്ന് വര്‍ഷങ്ങൡ രണ്ട് ഫൈനലുകളുടെ ആവര്‍ത്തനമാകും റിയല്‍-അത്‌ലറ്റിക്കോ പോരാട്ടം. ഈ രണ്ട് കളിയിലും ജയം റിയലിനൊപ്പമായിരുന്നു. കഴിഞ്ഞ വര്‍ഷം പനാല്‍റ്റിയില്‍ തോറ്റ അത്‌ലറ്റിക്കോ 2014ല്‍ തോറ്റത് എക്‌സ്ട്രാ ടൈമിലാണ്. 

അതേസമയം, 1998ലാണ് മൊണോക്കോയും യുവന്റസും ചാംപ്യന്‍സ് ലീഗ് സെമിയില്‍ അവസാനമായി ഏറ്റുമുട്ടിയത്. അന്ന് നടന്ന ഒന്നാം പാദത്തില്‍ ഫ്രഞ്ച് താരം തിയറി ഹെന്റിയുടെ മികവില്‍ മൊണോക്കോ 3-1ന് യുവന്റസിനെ തോല്‍പ്പിച്ചു. എന്നാല്‍ രണ്ടാം പാദത്തില്‍ ഡെല്‍പിയോറയുടെ ഹാട്രിക്ക് മികവില്‍ 4-1ന് യുവന്റസ് മൊണോക്കോയെ തോല്‍പ്പിച്ച് ഫൈനലില്‍ കടന്നു. 

അടുത്ത മാസം 2,3 തിയതികളിലാണ് ആദ്യ പാദം നടക്കുക. രണ്ടാം പാദം 9, 10 തിയതികളിലും.