ഇന്ത്യന് സ്പിന്നര് ആര് അശ്വിനോ, ഓസിസ് താരം നഥാന് ലിയോണോ മികച്ചത്? രണ്ട് സ്പിന്നര്മാരേയും വിലയിരുത്തുമ്പോള് കേമന് സ്വന്തം രാജ്യക്കാരന് നേര്ക്കാണ് ഓസീസ് മുന് താരം ബ്രാഡ് ഹോഗ് വിരല് ചൂണ്ടുന്നത്.
നഥാന് ലിയോണ് ആണ് ടെസ്റ്റില് അശ്വിനേക്കാള് മികച്ചത് എന്നാണ് ഹോഗ് വാദിക്കുന്നത്. കഴിഞ്ഞ വര്ഷത്തെ പ്രകടനം കൊണ്ടാണ് അശ്വിനെ ലിയോണ് മറികടന്നത് എന്നും ഹോഗ് പറയുന്നു. വിദേശത്ത് നേട്ടം കൊയ്യാന് അശ്വിന് പിഴച്ചതാണ് ഹോഗിന്റെ വിലയിരുത്തലിന് പിന്നില്. ലിയോണിനാവട്ടെ ഏത് സാഹചര്യത്തിലും വിക്കറ്റ് വീഴ്ത്താനുമാവുന്നു.
ട്വിറ്ററില് ആരാധകരുടെ ചോദ്യങ്ങള്ക്ക് മറുപടി പറയുകയായിരുന്നു ഹോഗ്. 71 ടെസ്റ്റില് നിന്ന് 365 വിക്കറ്റാണ് അശ്വിന് വീഴ്ത്തിയത്. 96 ടെസ്റ്റില് നിന്ന് 390 വിക്കറ്റാണ് ലിയോണിന്റെ സമ്പാദ്യം. എന്നാല് അശ്വിന് മുകളില് ലിയോണിനെ തെരഞ്ഞെടുത്ത ഹോഗിന്റെ നിലപാട് ചോദ്യം ചെയ്ത് ആരാധകര് ട്വിറ്ററിലെത്തുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates