പന്ത് ചുരണ്ടല്‍ വിവാദത്തെ തുടര്‍ന്ന് ഒരു വര്‍ഷത്തെ വിലക്ക് നേരിടുന്ന മുന്‍ ഓസ്‌ട്രേലിയന്‍ നായകന്‍ സ്റ്റീവന്‍ സ്മിത്ത് മത്സര രംഗത്ത് സജീവമാകുന്നു. കാനഡയില്‍ നടന്ന ഗ്ലോബല്‍ ടി20 പോരാട്ടത്തിലൂടെ മത്സര രംഗത്തേക്ക് മടങ്ങിയെത്തിയ സ്മിത്ത് അടുത്ത മാസം നടക്കുന്ന കരീബിയന്‍ പ്രീമിയര്‍ ലീഗ് പോരാട്ടത്തില്‍ കളിക്കും.
സി.പി.എല്‍ ടീം ബാര്‍ബഡോസ് ട്രിഡന്റ്‌സിനായാണ് മുന്‍ ഓസീസ് നായകന്‍ കളിക്കാനിറങ്ങുന്നത്. ടീമില്‍ അംഗമായിരുന്ന ബംഗ്ലാദേശ് ഓള്‍ റൗണ്ടര്‍ ഷാകിബ് അല്‍ ഹസന് പകരമാണ് ട്രിഡന്റ്‌സ് സ്മിത്തിനെ പാളയത്തിലെത്തിച്ചത്. ടൂര്‍ണമെന്റ് കഴിയും വരെ നില്‍ക്കാന്‍ ഷാകിബിന് സാധിക്കില്ലെന്ന് വന്നതോടെയാണ് മറ്റൊരു താരത്തെ അധികൃതര്‍ സ്വന്തമാക്കാന്‍ തീരുമാനിച്ചത്.
വിലക്ക് നിലവില്‍ വന്ന ശേഷം കഴിഞ്ഞ മാസമാണ് സ്മിത്ത് കളിക്കാനിറങ്ങിയത്. ഗ്ലോബല്‍ ടി20 പോരാട്ടത്തില്‍ ടൊറന്റോ നാഷണല്‍സിനായാണ് സ്മിത്ത് കളിച്ചത്. സ്മിത്തിനൊപ്പം വിവാദ വിഷയത്തില്‍ വിലക്ക് നേരിട്ട വാര്‍ണറും ഗ്ലോബല്‍ ടി20യില്‍ കളിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates