മിലാന്: ഏറ്റവും മികച്ച താരങ്ങളെ ഉള്പ്പെടുത്തി 2019ലെ ഫിഫ ഇലവന്. മികച്ച താരത്തിനുള്ള പുരസ്കാരം നേടിയ ലയണല് മെസി അടക്കമുള്ള സൂപ്പര് താരങ്ങള് ടീമിലുണ്ട്.
ഫിഫ പ്രൊ ലോക ഇലവനില് മെസി, റൊണാള്ഡോ, എംബാപ്പെ എന്നിവരാണ് മുന്നേറ്റത്തില്. ലിവര്പൂളിന്റെ ബ്രസീലിയന് ഗോള് കീപ്പര് അലിസന് ബെക്കറാണ് വല കാക്കുന്നത്.
മധ്യനിരയില് കളി മെനയുന്നത് റയല് മാഡ്രിഡിന്റെ ക്രൊയേഷ്യന് നായകന് ലൂക്ക മോഡ്രിച്, ബാഴ്സലോണയുടെ ഹോളണ്ട് താരം ഫ്രങ്കി ഡി ജോങ്, റയലിന്റെ തന്നെ ബെല്ജിയം നായകന് ഈദന് ഹസാദ് എന്നിവരാണ്. റയല് മാഡ്രിഡ് നായകനും സ്പാനിഷ് താരവുമായ സെര്ജിയോ റാമോസ്, റയലിന്റെ ബ്രസീല് താരം മാഴ്സലോ, ലിവര്പൂളിന്റെ ഹോളണ്ട് താരം വാന് ഡെയ്ക്, യുവന്റസിന്റെ ഡച്ച് താരം ഡി ലിറ്റ് എന്നിവരാണ് പ്രതിരോധത്തില്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates